नगर : देवस्थानाच्या अध्यक्षपदाबाबत महाविकास आघाडीतील नेत्यांमध्ये चर्चा होऊन पंढरपुरच्या विठ्ठल मंदिराच्या अध्यक्षपदी काॅंग्रेसला संधी मिळाली, तर शिर्डीतील (Shirdi) साईबाबा संस्थानचे अध्यक्षपद राष्ट्रवादीला मिळाले. साईसंस्थानचे नवीन विश्वस्तमंडळात राष्ट्रवादी व काॅंग्रेसला प्रत्येकी सहा जागा देण्याचे नियोजन असून, शिवसेनेला चार जागा मिळणार आहेत. एका जागेवर अद्याप संभाव्य विश्वस्त निवडणे बाकी आहे. (New trustee of Sai Sansthan! Congress and NCP have six seats each, while Shiv Sena has four)
साईसंस्थानवर कोणाला संधी मिळणार, याबाबत गेल्या महिनाभरापासून चर्चा सुरू होती. महाविकास आघाडी सरकार याबाबत निर्णय घेणार असल्याने साहकजिकच राष्ट्रवादी, शिवसेना व काॅंग्रेसमध्ये जागा वाटप होणार होते.
वरिष्ठांच्या चर्चेनंतर राष्ट्रवादीचे आमदार आशुतोष काळे यांना अध्यक्षपद मिळणार आहे. इतर पाच जणांना विश्वस्तमंडळात सामावून घेण्यात येणार आहे. काॅंग्रेसच्याही सहा जणांना नव्या विश्वस्तमंडळात संधी मिळणार आहे. शिवसेनेच्या वतीने खासदार सदाशिव लोखंडे यांच्यासह इतर तिघांना संधी देण्यात येणार आहे.
भाजपला संधी नाही
गेल्या काही वर्षांपासून साईसंस्थानवर भाजपचे आमदार राधाकृष्ण विखे पाटील यांचे वर्चस्व होते. त्या वेळी ते काॅंग्रेसमध्ये होते. सध्या राज्यात भाजप विरोधी बाकावर आहे. संस्थान राज्य सरकारच्या अखत्यारित असल्याने विश्वस्तपदाच्या निवडी महाविकास आघाडी करणार होते. त्यामुळे साहजिकच या वेळी विखे पाटील यांना यापासून दूर राहण्याची वेळी आली.
शिर्डीतील साईसंस्थानचे नवे संभाव्य विश्वस्तमंडळ असे ः
राष्ट्रवादी काॅंग्रेस ः आमदार आशुतोष काळे, जयंत जाधव, महेंद्र शेळके, सुरेश वाबळे, संदीप वर्पे, अनुराधा आदिक.
काॅंग्रेस ः डाॅ. एकनाथ गोंदकर, डी. पी. सावंत, सचिन गुजर, राजेंद्र भोतमागे, नामदेव गुंजाळ, संग्राम देशमुख.
शिवसेना ः खासदार सदाशिव लोखंडे, रावसाहेब खेवरे, रवींद्र मिर्लेकर, राहुल कनाल,
अद्याप एक नाव प्रलंबित आहे.
अर्थात ही यादी सध्या तयार करण्यात आली असली, तरी न्यायालयात याचिका दाखल झालेली आहे. त्यानंतरच या नावांवर शिक्कामोर्तब होणार आहे.
हेही वाचा..
हेही वाचा..
हेही वाचा..
हेही वाचा..
हेही वाचा..
हेही वाचा..
हेही वाचा..
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.