लसीकरणावरून राजकीय वाद ! तीन पक्षाचे नेते एकाच वेळी आरोग्य अधिकाऱ्यांच्या दालनात - Political controversy over vaccination! The three leaders were in the health officer's office at the same time | Politics Marathi News - Sarkarnama

ब्रेकिंग न्यूज

खासदार संभाजीराजे छत्रपती यांनी मराठा समाजासाठी केलेल्या मागण्या मान्य करण्याची राज्य सरकारची तयारी
मुख्यमंत्री उद्धव ठाकरे व खासदार संभाजीराजे छत्रपती यांची उद्या (17 जून) पाच वाजता वर्षा निवासस्थानी महत्वपूर्ण बैठक
कोल्हापूर : खासदार संभाजीराजे यांच्या नेतृत्वाखाली मराठा आरक्षणासाठी मूक आंदोलनास सुरवात

लसीकरणावरून राजकीय वाद ! तीन पक्षाचे नेते एकाच वेळी आरोग्य अधिकाऱ्यांच्या दालनात

सरकारनामा ब्युरो
शुक्रवार, 28 मे 2021

यात दोन राजकीय नेत्यांत शाब्दिक चकमक झाल्याची चर्चा होती. त्यामुळे परिसरातील राजकीय वातावरण चांगलेच तापले होते.

नगर : शहरातील लसीकरण प्रक्रियेत नागरिकांना लस (Corona) मिळत नाही. या प्रश्‍नावर नागरिक लसीकरण केंद्रांवर आक्रमक झाल्याचे रोजच दिसून येत आहे. अशा स्थितीत लसीकरणासंदर्भातील नागरी प्रश्‍न घेऊन आज महापालिकेच्या जुन्या कार्यालयात तीन राजकीय पक्षांचे नेते एकाच वेळी आले. (Political controversy over vaccination! The three leaders were in the health officer's office at the same time)

यात दोन राजकीय नेत्यांत शाब्दिक चकमक झाल्याची चर्चा होती. त्यामुळे परिसरातील राजकीय वातावरण चांगलेच तापले होते. 

कोरोनाच्या तिसऱ्या लाटेच्या पार्श्‍वभूमीवर आमदार संग्राम जगताप यांनी आज सकाळी शहरातील बालरोगतज्ज्ञांची बैठक घेतली. यात कोरोनाच्या तिसऱ्या लाटेचा सामना करण्यासाठी महापालिकेने व शहरातील वैद्यकीय यंत्रणेने काय उपाययोजना कराव्यात, 18 वर्षांखालील नागरिकांना लसीकरण करण्यात यावे का, आदी विषयांवर सविस्तर चर्चा झाली.

शहरातील लसीकरण व कोरोनाच्या तिसऱ्या लाटेसंदर्भात आमदार संग्राम जगताप यांनी निवेदन तयार केले. ते घेऊन ते जुन्या महापालिकेतील वैद्यकीय आरोग्य अधिकारी डॉ. अनिल बोरगे यांच्याकडे गेले होते. त्याआधीच शिवसेनेचे नगरसेवक बाळासाहेब बोराटे माळीवाडा आरोग्य केंद्रातील लसीकरण प्रक्रियेतील समस्यांचे निवेदन घेऊन डॉ. बोरगे यांच्यासमोर बसले होते. त्याच वेळी आमदार जगताप आपल्या कार्यकर्त्यांसह तेथे पोचले.

या वेळी लसीकरणाबाबत आरोप होऊन राजकीय शाब्दिक वाद सुरू झाला. काही वेळ तो चालल्यानंतर कॉंग्रेसचे शहर जिल्हाध्यक्ष किरण काळे आपल्या कार्यकर्त्यांसह लसीकरणासंदर्भात निवेदन देण्यासाठी आले. त्यांनी पोलिस प्रशासनाला पाचारण केले. पोलिसांच्या मध्यस्थीने वादावर पडदा पडल्याची चर्चा आज नगर शहरात होती. याबाबत रात्री उशिरापर्यंत पोलिस ठाण्यात कोणीही तक्रार दाखल केलेली नव्हती. 

मी लसीकरणाच्या प्रश्‍नावर वैद्यकीय आरोग्य अधिकारी डॉ. अनिल बोरगे यांना भेटण्यासाठी गेलो होतो. मात्र, या वेळी माझा कोणाशीही वाद झाला नाही. काही जण मुद्दाम स्टंटबाजी करीत आहेत. 
- आमदार संग्राम जगताप 

 

मी माळीवाडा येथील आरोग्य केंद्रांत सामान्य नागरिकांना लस मिळत नसल्याच्या प्रश्‍नावर चर्चा करण्यासाठी निवेदन घेऊन महापालिकेत गेलो होतो. त्यावेळी आमदार संग्राम जगताप कार्यकर्त्यांच्या जमावासह तेथे आले होते. त्यावेळी लसीकरणावरून आमच्यात शाब्दिक वाद झाला. 
- बाळासाहेब बोराटे, शिवसेना नगरसेवक 

 

शहरातील लसीकरणप्रश्‍नी मी काही कार्यकर्त्यांसह वैद्यकीय आरोग्य अधिकाऱ्यांना भेटण्यासाठी गेलो होतो. त्यावेळी त्यांच्या दालनात नगरसेवक बाळासाहेब बोराटे, वैद्यकीय आरोग्य अधिकारी डॉ. अनिल बोरगे व आमदार संग्राम जगताप यांच्यासह त्यांचे कार्यकर्ते उपस्थित होते. संबंधितांमध्ये वाद सुरू होता म्हणून मी पोलिसांना बोलावून घेतले. 
- किरण काळे, शहर जिल्हाध्यक्ष, कॉंग्रेस 

माझ्या दालनात कोणत्याही स्वरूपाचा वाद झालेला नाही. 
- डॉ. अनिल बोरगे, वैद्यकीय आरोग्य अधिकारी, महापालिका, नगर 

 

हेही वाचा...

नगरचा आज स्थापनादिन

 

 

 

Edited By  - Murlidhar Karale

अधिक राजकीय बातम्यांसाठी सरकारनामा अॅप डाऊनलोड करा
Play Store    App Store

संबंधित लेख