सोनिया गांधींच्या कॉन्फरन्समध्ये मंत्री थोरात सहभागी, केल्या या सूचना  - Minister Thorat participated in Sonia Gandhi's conference | Politics Marathi News - Sarkarnama

ब्रेकिंग न्यूज

इंदापूरला उजनीतून पाणी देण्याचा निर्णय रद्द : जयंत पाटील यांची घोषणा
मंत्रीमंडळाच्या उपसमितीच्या बैठकीसाठी महाविकास आघाडीतील प्रमुख नेते सह्याद्रीवर दाखल. एकनाथ शिंदे, बाळासाहेब थोरात, अशोक चव्हाण आणि मुख्य सचिव सिताराम कुंटे हेही उपस्थित आहेत.
मराठा आरक्षणासाठीची भाजपची महत्वाची बैठक आज विरोधी पक्ष नेते देवेंद्र फडणवीस यांच्या निवासस्थानी होत आहे. यासाठी रविंद्र चव्हाण, चंद्रकांत पाटील, गिरीश बापट, प्रवीण दरेकर उपस्थित आहेत.

सोनिया गांधींच्या कॉन्फरन्समध्ये मंत्री थोरात सहभागी, केल्या या सूचना 

सरकारनामा ब्युरो
रविवार, 11 एप्रिल 2021

खासदार राहुल गांधी यांनी मार्गदर्शन करताना, कॉंग्रेस शासित राज्यांनी कोरोना नियंत्रणाची पावले उचलताना त्याचा विपरीत परिणाम जनतेच्या उपजीविकेवर होऊ न देण्याची काळजी घेण्याची सूचना केली.

संगमनेर : कॉंग्रेस अध्यक्ष सोनिया गांधी व खासदार राहुल गांधी यांनी आज देशातील कॉंग्रेसशासित राज्यांतील मुख्यमंत्री, विधिमंडळ पक्षनेत्यांशी व्हिडिओ कॉन्फरन्सिंद्वारे संवाद साधला.

या वेळी राज्यातील कोरोना स्थिती व लसीकरण मोहिमेचा आढावा घेऊन, कोरोना नियंत्रण व्यवस्थापन अधिक सक्षम करण्याबाबत मार्गदर्शन आणि सूचना त्यांनी केल्या. कॉंग्रेसचे ज्येष्ठ नेते महसूलमंत्री बाळासाहेब थोरात यांनी संगमनेरातून यात सहभाग घेतला. 

खासदार राहुल गांधी यांनी मार्गदर्शन करताना, कॉंग्रेस शासित राज्यांनी कोरोना नियंत्रणाची पावले उचलताना त्याचा विपरीत परिणाम जनतेच्या उपजीविकेवर होऊ न देण्याची काळजी घेण्याची सूचना केली.

राज्याची भूमिका मांडताना महसूलमंत्री थोरात यांनी, "महाविकास आघाडी सरकार पूर्ण क्षमतेने कोरोनाविरुद्धची लढाई लढत आहे. देशात सर्वांत जास्त चाचण्या राज्यात होत असून, लसीकरणातही महाराष्ट्र देशात पहिल्या क्रमांकावर असल्या'चे सांगितले. केंद्र सरकारकडून महाराष्ट्राला हव्या तेवढ्या प्रमाणात लसीचा पुरवठा केला जात नसल्यामुळे लसीकरणाचा वेग मंदावला आहे. लसपुरवठा पुरेशा प्रमाणात करावा, न्यायभावनेने व मागणीप्रमाणे रेमडेसिव्हिर इंजेक्‍शन व इतर वैद्यकीय उपकरणांचा पुरवठा करण्याची मागणी त्यांनी केली. 

व्हिडिओ कॉन्फरन्समध्ये देशभरातील काही मुख्यमंत्री, नेते सहभागी झाले होते. 

 

हेही वाचा...

आरोग्य केंद्राचा पाच तालुक्‍यांना आधार 

कोल्हार : कोरोना लसीकरणासाठी कोल्हार भगवतीपूरचे प्राथमिक आरोग्य केंद्र राहाता तालुक्‍यासह श्रीरामपूर, राहुरी, संगमनेर व कोपरगाव या पाच तालुक्‍यांसाठी आधार ठरत आहे. ग्रामीण भागातील हे आरोग्य केंद्र अव्वल असून, आजअखेर येथे चार हजारांहून अधिक नागरिकांनी कोरोना प्रतिबंधक लस घेतली आहे. 

नाशिक मंडळाचे आरोग्यसेवा उपसंचालक डॉ. पी. डी. गांडाळ यांनी आरोग्य केंद्रास भेट देवून माहिती घेतली. तसेच शेरेबुकात प्रशंसनीय अभिप्राय नोंदविला. लसीकरण सुरू झाल्यापासून आरोग्य केंद्रात लस घेणाऱ्यांची संख्या वाढत आहे. डॉ. संजय घोलप व त्यांच्या सहकाऱ्यांच्या नियोजनामुळे अद्याप येथे लसींचा तुटवडा भासला नाही. आतापर्यंत येथे साडेचारशेपेक्षा जास्त व्यक्तींनी लस घेतली. 

आरोग्य केंद्रात चार विभागांप्रमाणे कर्मचाऱ्यांची नेमणूक केली असून, शासनाने दिलेल्या सूचनेनुसार सोमवारी, बुधवारी व शुक्रवारी नियमितपणे लसीकरण सुरू आहे. 
ज्येष्ठांना नोंदणीसाठी अडचणी येऊ नयेत, यासाठी लसीकरण केंद्रावर ऑनलाइन नोंदणीची व्यवस्था आहे, असे डॉक्‍टर घोलप यांनी सांगितले. डॉ. नीलेश पारखे, डॉ. हेमंत निर्मळ, तसेच विशाल सातपुते व प्रशांत पंडुरे हे समुदाय आरोग्य अधिकारी व पाच आरोग्यसेविका व औषधनिर्माण अधिकारी, आरोग्य कर्मचारी यात महत्त्वाची भूमिका बजावत आहेत. 
 

 

Edited By - Murlidhar Karale

 

अधिक राजकीय बातम्यांसाठी सरकारनामा अॅप डाऊनलोड करा
Play Store    App Store

संबंधित लेख