माझ्यामुळेच पिंपळगाव जोगाचे आवर्तन, खासदार विखे, आमदार लंके या दोघांचाही दावा - It is because of me that Pimpalgaon Joga's recurrence, MP Vikhe, MLA Lanka's claim | Politics Marathi News - Sarkarnama

ब्रेकिंग न्यूज

इंदापूरला उजनीतून पाणी देण्याचा निर्णय रद्द : जयंत पाटील यांची घोषणा
मंत्रीमंडळाच्या उपसमितीच्या बैठकीसाठी महाविकास आघाडीतील प्रमुख नेते सह्याद्रीवर दाखल. एकनाथ शिंदे, बाळासाहेब थोरात, अशोक चव्हाण आणि मुख्य सचिव सिताराम कुंटे हेही उपस्थित आहेत.
मराठा आरक्षणासाठीची भाजपची महत्वाची बैठक आज विरोधी पक्ष नेते देवेंद्र फडणवीस यांच्या निवासस्थानी होत आहे. यासाठी रविंद्र चव्हाण, चंद्रकांत पाटील, गिरीश बापट, प्रवीण दरेकर उपस्थित आहेत.

माझ्यामुळेच पिंपळगाव जोगाचे आवर्तन, खासदार विखे, आमदार लंके या दोघांचाही दावा

मार्तंड बुचुडे
शनिवार, 10 एप्रिल 2021

पिंपळगांव जोगा धरणाच्या अवर्तनासंदर्भात खासदार डॉ. सुजय विखे व आमदार निलेश लंके, यांच्यात अलिकडेच कलगीतुरा रंगलेला होता.

पारनेर : पिंपळगांव जोगा धरणाच्या अवर्तनासंदर्भात खासदार डॉ. सुजय विखे व आमदार निलेश लंके, यांच्यात अलिकडेच कलगीतुरा रंगलेला होता.

काल जलसंपदा मंत्री जयंत पाटील यांच्यासमवेत खासदार सुजय विखे, आमदार निलेश लंके, जुन्नरचे आमदार वल्लभ बेनके तसेच पाटबंधारे खात्याचे कार्यकारी अभयंता प्रशांत कडूस्कर यांच्यासह इतर अधिका-यांची ऑनलाईन बैठक झाली. या वेळी पिंपळागाव जोगाचे एक आवर्तन सोडण्याचा निर्णय घेण्यात आला आहे. 
नंतर व्हिडीओ कॉन्फरन्स होऊन शुक्रवारी रात्री पाणी सोडण्याच्या निर्णयावर शिक्कामोर्तब करण्यात आले. 

आवर्तन आमदार लंके यांच्या पुढाकारामुळेच सुटले, असा दावा त्यांच्या कार्यकर्त्यांनी केला आहे. तर डॉ. विखे यांच्याही कार्यालयाने तसे कळविले आहे. त्यामुळे आवर्तनाचे श्रेय नेमके कोणाला, असा प्रश्न उपस्थीत झाला आहे. आवर्तनाचे श्रेय कोणालाही जावो पारनेरच्या शेतकऱ्यांना पाणी मिळणार असल्याने तालुक्यातील पिंपळगाव जोगा आवर्तनाच्या लाभ क्षेत्रातील शेतकऱ्यांमध्ये आनंदाचे वातावऱण निर्माण झाले तयार आहे.

मागील आवर्तन सुटले, त्यावेळी तालुक्यातील गावांपर्यंत ते पोहचलेच नाही. अवर्तनाच्या भरवशावर असलेली पिके व फळबागांना त्याचा मोठा फटका बसला. अवर्तन संपले तरी पाणी मिळाले नाही. त्या मुळे शेतकऱ्यांमध्ये असंतोषाचे वातावरण होते.

आमदार लंके यांनी यासंदर्भात पाटबंधारे विभागाचे अधिकारी तसेच जलसंपदा मंत्री जयंत पाटील यांच्याशी चर्चा करून तालुक्यातील शेतकऱ्यांवरील अन्याय दुर करण्याची मागणी केली होती. पाटबंधारेचे अधिकारी तसेच मंत्री पाटील यांनी या प्रश्‍नावर सकारात्मक निर्णय घेऊन पारनेरसाठी विशेष आवर्तन सोडण्याचे मान्य केले होते.

दरम्यान, अळकुटी येथे डॉ. विखे यांनीही पाटबंधारेच्या अधिकाऱ्यांशी चर्चा करून अवर्तन सोडण्यासंदर्भात सुचना दिल्या होत्या. त्यानंतर लंके यांनी डॉ. विखे यांनी पारनेरच्या पाणी प्रश्‍नात लुडबूड करू नये, आम्ही आमचा प्रश्‍न सोडविण्यासाठी सक्षम आहोत. असा इशारा दिला होता. त्यावर विखे यांनीही हिंमत असेल तर पुणे जिल्हयातील नेत्यांशी संघर्ष करा, असे प्रत्युत्तर दिले होते. 

पिंपळगाव जोगाचे टेल टू हेड असे 22 दिवसांचे आवर्तन सोडण्याचा निर्णय झाला आहे. पहिले नऊ दिवस पारनेर तालुक्यासाठी पुर्ण दाबाने पाणी देण्याचे ठरविण्यात आले आहे. त्यानंतर जुन्नर तालुक्यातील गावांना पाणी देण्यात येणार आहे.

 

Edited By - Murlidhar Karale

 

 

 

अधिक राजकीय बातम्यांसाठी सरकारनामा अॅप डाऊनलोड करा
Play Store    App Store

संबंधित लेख