मुख्यमंत्र्यांनी चर्चा केली, लवकरच लाॅकडाऊनची घोषणा : बाळासाहेब थोरात - CM discusses, announcement of lockdown soon: Balasaheb Thorat | Politics Marathi News - Sarkarnama

ब्रेकिंग न्यूज

इंदापूरला उजनीतून पाणी देण्याचा निर्णय रद्द : जयंत पाटील यांची घोषणा
मंत्रीमंडळाच्या उपसमितीच्या बैठकीसाठी महाविकास आघाडीतील प्रमुख नेते सह्याद्रीवर दाखल. एकनाथ शिंदे, बाळासाहेब थोरात, अशोक चव्हाण आणि मुख्य सचिव सिताराम कुंटे हेही उपस्थित आहेत.
मराठा आरक्षणासाठीची भाजपची महत्वाची बैठक आज विरोधी पक्ष नेते देवेंद्र फडणवीस यांच्या निवासस्थानी होत आहे. यासाठी रविंद्र चव्हाण, चंद्रकांत पाटील, गिरीश बापट, प्रवीण दरेकर उपस्थित आहेत.

मुख्यमंत्र्यांनी चर्चा केली, लवकरच लाॅकडाऊनची घोषणा : बाळासाहेब थोरात

सरकारनामा ब्युरो
मंगळवार, 13 एप्रिल 2021

लाॅकडाऊनबाबत मुख्यमंत्री निर्णय घेतील, तथापि, जीवनावश्यक वस्तुंची तयारी करण्याची गरज आहे. नागरिकांची गैरसोय होणार नाही, यासाठी विशेष काळजी घेतली जाणार आहे.

मुंबई : मुख्यमंत्री उद्धव ठाकरे यांनी आमच्यासोबत चर्चा केली आहे. सर्वांची मते घेतली आहेत. लाॅकडाऊनशिवाय पर्याय नाही. आपल्याला सामोरे जावे लागेल. येत्या दोन दिवसांत मुख्यमंत्री घोषणा करतील, अशी माहिती महसूलमंत्री बाळासाहेब थोरात यांनी दिली.

थोरात म्हणाले, की लाॅकडाऊनबाबत मुख्यमंत्री निर्णय घेतील, तथापि, जीवनावश्यक वस्तुंची तयारी करण्याची गरज आहे. नागरिकांची गैरसोय होणार नाही, यासाठी विशेष काळजी घेतली जाणार आहे.

संगमनेरबाबत बोलताना ते म्हणाले, की इतर जिल्ह्यांप्रमाणेच नगरमध्येही परिस्थिती तशीच आहे. परंतु यंत्रणा काम करीत आहे. कोरोना नियंत्रणात आणण्यासाठी सरकारचे प्रयत्न सुरू आहेत. कोणत्याही कामात कसूर केली जात नाही.

विरोधीपक्षनेते देवेंद्र फडणवीस यांच्या आरोपांबाबत बोलताना थोरात म्हणाले, की कार्यकर्त्यांचे मनोबल वाढविण्यासाठी फडणवीस तसे बोलतात, असे त्यांनी सांगितले.

दरम्यान, काॅंग्रेसच्या नेत्या सोनिया गांधी यांनी पंतप्रधान नरेंद्र मोदी यांना पत्र पाठविले असून, ही राष्ट्रीय आपत्ती आहे. देशाची आकडेवारी पाहता याची राष्ट्रीय पातळीवर विचार होण्याची गरज आहे, असे त्यांनी म्हटले आहे. 

आमची केंद्राकडून अपेक्षा आहे, आम्ही देखील काम करतच आहोत. जेवढे शक्य आहे, तेवढे काम राज्य सरकार करीत आहेत, असे या पत्रात म्हटले असल्याचे थोरात यांनी सांगितले.

 

 

हेही वाचा...

राहाता शहराची अशीही ओळख

राहाता : कोविडचा हाॅटस्पाॅट म्हणून राहाता शहराची ओळख निर्माण झाली. संसर्ग वेगाने फैलावत असल्याने शहरातील ग्रामीण रूग्णालयात कोविड चाचण्यांसाठी गर्दी वाढली.

दररोज दोनशेहून अधिक चाचण्या केल्या जात आहेत. तरीही गर्दी कमी होत नाही. रूग्णालयाच्या आवारात सावली नसल्याने कडाक्याच्या उन्हापासून बचाव करण्यासाठी आज पालिकेने तेथे तातडीने मोठा मंडप उभारला. 

याबाबत माहिती देताना नगराध्यक्ष ममता पिपाडा म्हणाल्या, की कोविड प्रकोपामुळे ग्रामीण रूग्णालयाच्या गर्दीत भर पडली. कडाक्याच्या उन्हापासून बचाव करण्यासाठी पालिकेने मंडप उभारावा अशी मागणी केली जात होती.

आज तेथे दोन मोठे मंडप उभारण्यात आले. पिण्याच्या पाण्याची व बसण्यासाठी खुर्च्यांची व्यवस्था करण्यात आली. त्यामुळे कोविड चाचणीसाठी येणाऱ्या शहरवासियांना दिलासा मिळाला आहे. शहरातील अन्य सरकारी कार्यालये व बॅंकाच्या आवारात जेथे उन्हाचा त्रास होते, अशा ठिकाणी मंडप उभारण्याबाबत सबंधितांना पालिकेच्या वतीने लेखी सुचना दिल्या जातील. त्यांच्याकडून प्रतिसाद न मिळाल्यास पालिकेच्या वतीने तेथे सावलीसाठी मंडप उभे केले जातील.

 

Edited By- Murlidhar karale

 

अधिक राजकीय बातम्यांसाठी सरकारनामा अॅप डाऊनलोड करा
Play Store    App Store

संबंधित लेख