दिव्यांगांसाठी कोरोना लसीकरण केंद्र सुरु करणारी पिंपरी चिंचवड पहिली पालिका - Pimpri Chinchwad is the first municipality to start a corona vaccination center for the disabled | Politics Marathi News - Sarkarnama

ब्रेकिंग न्यूज

खासदार संभाजीराजे छत्रपती यांनी मराठा समाजासाठी केलेल्या मागण्या मान्य करण्याची राज्य सरकारची तयारी
मुख्यमंत्री उद्धव ठाकरे व खासदार संभाजीराजे छत्रपती यांची उद्या (17 जून) पाच वाजता वर्षा निवासस्थानी महत्वपूर्ण बैठक
कोल्हापूर : खासदार संभाजीराजे यांच्या नेतृत्वाखाली मराठा आरक्षणासाठी मूक आंदोलनास सुरवात

दिव्यांगांसाठी कोरोना लसीकरण केंद्र सुरु करणारी पिंपरी चिंचवड पहिली पालिका

सरकारनामा ब्युरो
मंगळवार, 27 एप्रिल 2021

पालिकेचा दिव्यांग कक्ष व पिंपरी रोटरी क्लब यांच्या सहकार्याने शहरातील ४५ वर्षावरील २१४५ पात्र दिव्यांगांसाठी  रोटरी क्लब सभागृह, संभाजीनगर, चिंचवड येथे हे खास केंद्र सुरु होत आहे.

पिंपरी : शहरातील ४५ वर्षावरील दिव्यांगांसाठी पिंपरी चिंचवड महानगरपालिकेने स्वतंत्र कोवीड- १९ लसीकरण केंद्र सुरु करण्याचा निर्णय़ घेतला असून, उद्यापासूनच (ता.२८) ते सुरु होत आहे, असा उपक्रम राबविणारी राज्यातील ही पहिलीच पालिका ठरणार आहे.

पालिकेचा दिव्यांग कक्ष व पिंपरी रोटरी क्लब यांच्या सहकार्याने शहरातील ४५ वर्षावरील २१४५ पात्र दिव्यांगांसाठी  रोटरी क्लब सभागृह, संभाजीनगर, चिंचवड येथे हे खास केंद्र सुरु होत आहे. त्याचा सर्व पात्र दिव्यांग व्यक्तींनी लाभ घ्यावा, असे आवाहन महापौर उषा उर्फ माई ढोरे, पक्षनेते नामदेव ढाके व आयुक्त राजेश पाटील यांनी केले.

कोरोनाचा मुकाबला करण्यासाठी लसीकरण केंद्र शहरात विविध ठिकाणी कार्यरत आहेत. मात्र, तेथे दिव्यांगांची काहीशी गैरसोय होत आहे. म्हणून त्यांच्यासाठी सर्व सुविधा उपलब्ध असलेले हे विशेष केंद्र सुरु करण्यात आले आहे.पालिकेच्या नागरवस्ती विभागाच्या दिव्यांग कक्ष विभागाचे उपायुक्त अजय चारठणकर व सहाय्यक आयुक्त अण्णा बोदडे यांनी रोटरी क्लब पिंपरीचे अध्यक्ष मेहूल परमार यांचेसमवेत नियोजन करून ते सुरु केले आहे.

सर्व दिव्यांगांना लसीकरण केंद्रावर आणण्यासाठी स्वतंत्र वाहनांची व्यवस्था केली असून तेथे पालिकेच्या आकुर्डी रूग्णालयाच्या प्रमुख डॅा. सुनिता साळवे यांच्या मार्गदर्शनाखाली वैद्यकिय पथक कार्यरत असणार आहे.
 

हेही वाचा...

दीड कोटी रुपयांचे आॅक्सिजन प्लाॅन्ट उभारणार

नगर : कोविड संकटाच्या काळात निर्माण झालेल्या आॅक्सिजन टंचाईची समस्या सोडविण्यासाठी विखे पाटील परिवाराच्या वतीने सुमारे दीड कोटी रूपये खर्च करून आॅक्सिजन प्लॅन्ट उभारण्याचा निर्णय घेण्यात आला आहे. दहा दिवसात हा प्रकल्प कार्यान्वित होणार असल्याची माहिती खासदार डॉ सुजय विखे पाटील यांनी दिली.

सर्वच रुग्णालया समोर सध्या आॅक्सिजनचा मोठा प्रश्न निर्माण झाला आहे. शासकीय पातळीवरूनही आॅक्सिजन उपलब्ध होण्याच्या असलेल्या मर्यादा लक्षात घेवून विळद घाटात आमदार राधाकृष्ण विखे पाटील यांच्या मार्गदर्शनाखाली हा प्रकल्प तातडीने उभारण्याचा निर्णय घेण्यात आला. संपूर्ण आधुनिक परदेशी तंत्रज्ञान वापरून हा जिल्ह्य़ातील पहीलाच प्रकल्प ठरणार असल्याचे विखे पाटील म्हणाले.

सद्यस्थितीत विळद येथील कोव्हीड केअर सेंटरमध्ये १५० आॅक्सिजनचे बेड आहेत. नवीन आॅक्सिजन प्रकल्प उभारल्यानंतल ही बेडची संख्या ३०० करणार येणार असल्याचे विखे पाटील यांनी सांगितले.

जिल्ह्य़ात अवघ्या दहा दिवसात कार्यान्वित होत असलेल्या या प्रकल्पाचा मोठा दिलासा नागरिकांना मिळणार असल्याचा विश्वास त्यांनी व्यक्त केला.
 

Edited By - Murlidhar Karale

 

 

 

अधिक राजकीय बातम्यांसाठी सरकारनामा अॅप डाऊनलोड करा
Play Store    App Store

संबंधित लेख