पाथर्डी : तालुक्यात अतिवृष्टीने पिकाचे नुकसान झालेल्या सरकाराच्या मिळणा-या चौदा कोटी रुपयाचे अनुदानाचे श्रेय घेण्यावरुन राष्ट्रवादी , भारतीय जनता पक्षात व शिवसेनेत रस्सीखेच सुरु आहे. भाजपाच्या एका गटाच्या कार्यकर्त्यांनी पालकमंत्र्यांना पाहणी दौ-यात अडविले आता अनुदानाचे श्रेय घेण्याचा प्रयत्न करु नये, अशी टिका अॅड. प्रताप ढाकणेंनी केली आहे.
शिवसेनेचे तालुकाप्रमुख अंकुश चितळे यांनी शेतक-यांना मिळणारे अनुदान शिवसेनेचे मुख्यमंत्री उद्धव ठाकरे यांच्या सहकार्याने मिळाले असल्याची माहीती दिली. तालुक्यातील शेतक-यांना चौदा कोटी रुपयाच्या अनुदानाची रक्कम मिळाली आहे. तिचे वाटप मंगळवार पासुन शेतक-यांच्या खात्यावर होणार आहे. राष्ट्रवादीचे माजी आमदार चंद्रशेखर घुले, केदारेश्वरचे अध्यक्ष अॅड. प्रताप ढाकणे यांनी हसन मुश्रीफ यांना शेतक-यांच्या पिकांची नुकसानीची पाहणी करण्याची विनंती केली होती. मुश्रीफ यांनी पाथर्डी व शेवगावचा दौरा केला होता. शेतक-यांची दिवाळी गोड करु असे मुश्रीफ यांनी त्यावेळी सांगितले होते.
सरकारने हेक्टरी दहा हजार रुपये व फळपिंकासाठी पंचवीस हजार रुपयाची मदत जाहीर केली. त्याचे अनुदानाचे पैसे आले आहेत. राष्ट्रवादीचे प्रताप ढाकणे व चंद्रशेखर घुले यांनी पत्रक प्रसिद्धीला देवुन ही मदत राज्याचे महाआघाडीचे सरकार करणार असून भारतीय जनता पक्षाने याचे श्रेय लाटु नये, अशी टिका केली. शिवसेनेचे तालुका प्रमुख अंकुश चितळे यांनी शेतक-यांना मिळाणारी मदत ही उद्धव ठाकरे सरकारने केली आहे, असे पत्रक प्रसिद्धीला दिले आहे. महाआघाडीचे आम्ही सैनिकही घटक अहोत. पालकमंत्र्यांच्या दौ-यात आम्हीही सहभागी झालो होतो असे चितळे यांनी सांगितले.
पालकमंत्र्याच्या दौ-याच्या एक दिवस अगोदरच भारतीय जनता पक्षाच्या आमदार मोनिका राजळे यांनी पाथर्डी-शेवगाव तालुक्याचा दौरा करुन पिकांच्या नुकसानीची पाहणी केली होती. त्यामुळे आता शेतक-यांना मिळणारे अनुदान कोणामुळे मिळाले असा प्रश्न निर्माण झाला आहे. राजळे यांनीही पालकमंत्र्यांना लेखी पत्र देवुन पिकांच्या नुकसान झाल्याने अनुदान मिळावे अशी मागमी केली होती. शिवसेना, राष्ट्रवादी व भारतीय जनता पक्षाच्या कलगीतु-यामधे काँग्रेस पक्ष मात्र शांत असल्याचे दिसते आहे. श्रेय कोणालाही मिळो शेतक-यांच्या खात्यावर अनुदानाची रक्कम लवकर जमा व्हावी असा आग्रह शेतक-यांनी धरला आहे.
Edited By - Amit Golwalkar
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.