मुंबई : विधानसभेचे दोन दिवसीय पावसाळी अधिवेशन (Assembly Session) आजपासून सुरु होत आहे. या अधिवेशनामध्ये अनेक महत्त्वाचे ठराव मंजूर केले जाण्याची शक्यता आहे. त्यामध्ये कृषी कायदे, मराठा आरक्षण (Maratha Reservation) आणि ओबीसी आरक्षण (OBC Reservation) हे महत्त्वाचे विषय, असणार आहेत त्याच बरोबर विधानसभा अध्यक्ष निवडणूक हाही महत्त्वाचा मुद्दा असणार आहे. या मुद्यावरुन विरोधी पक्ष असलेल्या भाजपने सरकारला घेण्याची तयारी केली आहे. त्यामुळे या मुद्यावरुन अधिवेशनात खडाजंगी होण्याची शक्यता आहे. (These issues will be discussed in the assembly session)
केंद्र सरकारने केलेल्या तीन कृषी कायद्या विरोधात शेतकऱ्यांचे आंदोलन सुरु आहे. त्यामुळे या कायद्याच्या विरोधात ठराव मंजूर करण्यात येणार असल्याची माहिती आहे. दुसरा विषय केंद्र सरकारने मराठा आरक्षणा संदर्भात पुनर्विचार याचिका सर्वोच्च न्यायालयात केली होती. मात्र, ती याचिका न्यायालयाने फेटाळली आहे. त्यामुळे आता केंद्र सरकारने पुढाकार घेत मराठा आरक्षण द्यावे, हा ठराव मांडला जाणार आहे.
ओबोसी आरक्षण मिळावे यासाठी इम्पिरिकल डाटा सर्वोच्च न्यायालयाला केंद्र सरनाने द्यावा, याबाबतचा ठराव अधिवेशनात मांडला जाणार असल्याची माहिती आहे. या मुद्यावरुनही अधिवेशनात सत्ताधारी आणि विरोधकांमध्ये वाद होण्याची शक्यता वर्तवली जात आहे. या अधिवेशनात आरोप प्रत्यारोपांच्या फैरी झडणार आहेत.
विधानसभा अध्यक्षपदाची निवडणुकीत महाविकास आघाडीला घेरण्याचा विरोधी भाजपची योजना आहे. या अधिवेशनात दगाफटका होऊ नये यासाठी महाविकास आघाडीनेही कंबर कसली आहे. त्यामुळे अध्यपदाच्या निवडणुकीकडे सगळ्यांचे लक्ष लागले आहे. अधिवेशनात सरकारला घेण्यासाठी सभागृह सुरु होण्याआधी भाजप आमदारांची बैठक होणार आहे. काँग्रेस, राष्ट्रवादी, शिवसेना यांची बैठक होणार आहे.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.