मुंबई : उद्योगपती मुकेश अंबानी यांच्या घराजवळील सापडलेली स्फोटकांची गाडी आणि मनसुख हिरण यांच्या मृत्यूचा तपास राष्ट्रीय तपाय यंत्रणा (एनआयए) करीत आहे. या तपासात रोज नवीन खुलासे होत आहेत. या तपासावरुन भाजपचे नेते किरीट सोमय्या यांनी मुख्यमंत्री उद्धव ठाकरे यांच्यावर निशाणा साधला आहे.
किरीट सोमय्या म्हणाले की, आधी शिवसेनेचे प्रवक्ते सचिन वाझे व शिवसेनेचे 2019 चे उमेदवार प्रदिप शर्मा यांची चौकशी सुरू आहे. हळू हळू हे प्रकरण आयपीएस अधिकारी, अनिल देशमुख आणि मग मुख्यमंत्री कार्यालयाच्या दारात पोहचणार आहेत सचिन वाझे टीमची दोन हजार कोटींची वसुली, मनसुख हिरेन यांची हत्या, यात सगळ्यांचा काय हात होता हे लवकरच कळेल.. क्रिमिनल व्यक्तींचा राजकीय हेतूसाठी वापर करणे हे ठाकरे सरकारने सिद्ध केले आहे.
एनआयएच्या अटकेत असलेला निलंबित सहाय्यक पोलिस निरिक्षक सचिन वाझे प्रकरणात राष्ट्रीय तपास यंत्रणेने (एनआयए) काल रात्री वाझेला लोकलवारी घडवली. काल रात्री सव्वाअकरा ते दोन वाजेपर्यंत त्याची कारवाई सुरू होती. ठाण्यातील व्यावसायिक मनसुख हिरेन यांची ४ मार्चला हत्या झाली आहे. उद्योगपती मुकेश अंबानी यांच्या घराजवळील सापडलेली स्फोटकांची गाडी आणि मनसुख हिरने यांच्या मृत्यूचा तपास राष्ट्रीय तपाय यंत्रणा करीत आहे. मनसुख हिरेन हत्येच्या दिवशी ४ मार्चच्या रात्रीचा सर्व घटनाक्रमाचा एनआयएने उलगडा केला आहे. काल हिरेन मृत्यू प्रकरणातील मुख्य आरोपी असलेला निलंबित पोलिस अधिकारी सचिन वाझेची सीएसएमटी ते कळवा लोकलवारी एनआयएने घडविली. एनआयएनने सीआययूच्या कार्यालयापासून हत्या करून परत मुंबईत येईपर्यंतच्या वाझेच्या गुन्ह्याच्या कृत्याचे नाट्यरूपांतर (क्राइम सीन रिक्रिएट) केले. मनसुख हिरेन यांची हत्या करण्यासाठी सचिन वाझे याने लोकलने प्रवास केल्याचे उघड झाले आहे. लोकलच्या गर्दीत ओळख पटणं कठीण असल्याने वाझे याने मोबाईल ऑफिसमध्ये ठेवून ठाण्याला लोकलने गेल्याचे तपासात समोर आले आहे.
राष्ट्रीय तपास यंत्रणेने मात्र मनसुख हिरेन हत्या प्रकरणात कुणा कुणाचा सहभाग आहे. त्या दिवशी कोण कोण घटनास्थळी होत. वाझेचा रोल त्यात काय, याचा तपास एनआयए करत आहे. हिरेन यांची हत्या ही गायमुख जवळील परिसरात केल्यानंतर त्यांचा मृतदेह हा मुंब्रा खाडी परिसरात टाकण्यात आल्याचा संशय व्यक्त केला जात आहे. मात्र, शवविच्छेदन अहवालात त्यांचा मृत्यू हा बुडून झाल्याचे म्हटलेले आहे.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.