...हे तर बंटी-बबली निघाले!   - Rupali Chakankar's criticism of Ravi Rana | Politics Marathi News - Sarkarnama

ब्रेकिंग न्यूज

मुख्यमंत्री उद्धव ठाकरे कोल्हापुरात दाखल..पुरग्रस्त भागाची पाहणी
पुणेकरांना खुशखबर : पुणे मेट्रोची शुक्रवारी सकाळी ७ वाजता ट्रायल रन...पालकमंत्री अजित पवार यांच्या उपस्थितीत कोथरुड डेपो ते आयडीयल कॉलनीदरम्यान ट्रायल

...हे तर बंटी-बबली निघाले!  

सरकारनामा ब्यूरो
बुधवार, 7 जुलै 2021

आमदार रवी राणा  (Ravi Rana) यांनी शेतकरी मुद्द्यावरुन विधानसभेमध्ये गोंधळ घातल राजदंड पळवण्याचा प्रयत्न केला.

मुंबई : आमदार रवी राणा  (Ravi Rana) यांनी शेतकरी मुद्द्यावरुन विधानसभेमध्ये गोंधळ घातल राजदंड पळवण्याचा प्रयत्न केला. त्यांना तालिका अध्यक्ष भास्कर जाधव (Bhaskar Jadhav) यांनी सभागृहाबाहेर काढण्याचे आदेश मार्शल्सला दिले होते. तर खासदार नवनीत राणा यांच्या जात प्रमाणपत्रावर अक्षेप घेण्यात आला आहे. त्यावरुन राष्ट्रवादी काँग्रेसच्या महिला प्रदेशाध्यक्षा रुपाली चाकणकर (Rupali Chakankar) यांनी रवी राणा आणि नवनीत राणा यांना टोला लगावला आहे. (Rupali Chakankar's criticism of Ravi Rana) 

या संदर्भात रुपाली चाकणकर यांनी ट्वीट केले आहे. त्यामध्ये त्या म्हणाल्या की ''बायको जात चोरते आणि नवरा राजदंड , हे तर बंटी-बबली निघाले'' असा टोला त्यांनी लागवला आहे.  

हेही वाचा : मंत्रिमंडळाच्या मेगाविस्तारासाठी पंतप्रधान नरेंद्र मोदींची चतु:सूत्री

सोमवारी विधानसभेमध्ये (Assembly Session) ओबीसींच्या (OBC) राजकीय आरक्षणाच्या मुद्द्यावरुन झालेल्या गोंधळानंतर भाजपच्या १२ आमदारांना एका वर्षासाठी निलंबित करण्यात आले. भाजपने विधानसभेच्या आवारामध्येच प्रतिविधानसभा भरवण्यावरुन सत्ताधारी आणि विरोधक पुन्हा आमने-सामने आले. तर दुसरीकडे आमदार रवी राणा  (Ravi Rana) यांनी शेतकरी मुद्द्यावरुन विधानसभेमध्ये गोंधळ घातल राजदंड पळवण्याचा प्रयत्न केला.

रवी राणा हे शेतकऱ्यांच्या मुद्द्यावरुन राजदंड उचलण्यासाठी पुढे गेले असता जाधव यांनी त्यांची समजून घालण्याचा प्रयत्न केला. तुम्ही स्टंटबाजी करु नका. तुम्हाला बोलायची संधी मिळेल, असे जाधव यांनी राणा यांना सांगितले. मात्र राणा थांबले नाहीत. त्यामुळे जाधव यांनी सभागृहातील आपल्या अध्यक्षांच्या खुर्चीमधून उठून रवी राणा यांना सभागृहाबाहेर काढण्याचे आदेश दिले. त्यानंतर रवी राणा यांना सभागृहाबाहेर काढण्यात आले होते. 

हेही वाचा : वाजपेयी असते तर, या भाजप आमदारांना घरी पाठवले असेत!

नवनीत राणा या आमरावती लोकसभा मतदार संघाच्या खासदार आहेत. त्यांच्या जात प्रमाणपत्रावर आक्षेप घेत शिवसेनेचे माजी खासदार आनंदराव आडसूळ यांनी उच्च न्यायालयात याचिका दाखल केली होती. उच्च न्यायलयाने त्यांचे जात प्रमाणपत्र रद्द केले होते. त्यानंतर नवनीत राणा यांनी सर्वोच्च न्यायालयात धाव घेतली होती. सर्वोच्च न्यायालयाने त्यांना या प्रकरणात दिलासा दिला आहे. त्यावरुन चाकणकर यांनी पती-पत्नीवर निशाणा साधला आहे.

Edited By - Amol Jaybhaye 

अधिक राजकीय बातम्यांसाठी सरकारनामा अॅप डाऊनलोड करा
Play Store    App Store

संबंधित लेख