मुंबई : रिपब्लिकन पक्षाचे राष्ट्रीय अध्यक्ष केंद्रीय सामाजिक न्याय राज्यमंत्री रामदास आठवले महाराष्ट्र दिन ( ता. 1) आणि जागतिक कामगार दिनानिमित्त आपल्या एक महिन्याच्या वेतनातून राज्यातील आंबेडकरी कलावंतांना आर्थिक मदत करणार आहेत. कोरोनाचा कहर वाढत असताना लॉकडाउनच्या काळात आंबेडकरी गायक कलावंतांची परिस्थिती हलाखीची झाली आहे.
राज्यात अजून 15 मे पर्यंत लॉकडाउन वाढणार आहे. या काळात आंबेडकरी गायक शाहीर लोककलावंतांना आर्थिक विवंचना आणि उदरनिर्वाहाचा मोठा प्रश्न निर्माण झाला आहे. मागील वर्षभरापासून आंबेडकरी कलावंतांना कोणतेही कार्यक्रम मिळालेले नाहीत.
गत वर्षी कोरोना रोखण्यासाठी झालेल्या लॉकडाउनमुळे आंबेडकर जयंती आणि बुद्ध जयंतीचे जाहीर कार्यक्रम करण्यात आले नाही. यंदाही नेमका 14 एप्रिल आंबेडकर जयंतीपासून राज्यात लॉकडाउन लागला असल्याने आंबेडकरी कलावंतांना कार्यक्रम मिळालेले नाहीत.
दोन्ही वर्षी आंबेडकरी कलावंतांचा रोजगार बुडाला आहे. त्यामुळे आंबेडकरी गायक कलावंतांना येत्या ता. 1 मे रोजी प्रत्येकी 5 हजार रुपये आर्थिक मदत रामदास आठवले करणार आहेत. केंद्रीय राज्यमंत्री रामदास आठवले यांना महिन्याला 2 लाख रुपये वेतन मिळते. एका महिन्याचे वेतन 2 लाख रुपये त्यांनी आंबेडकरी कलावंतांना मदत केली आहे.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.