पूजा चव्हाण मृत्यू प्रकरणी नबाव मलिकांचा राठोडांना 'हा' सल्ला... 

पूजा चव्हाण मृत्यू प्रकरणी वनमंत्री संजय राठोड अडचणीत सापडले आहेत.
Pooja Chavans death case Nawab Maliks advice to sanjay Rathore
Pooja Chavans death case Nawab Maliks advice to sanjay Rathore

मुंबई : पूजा चव्हाण मृत्यू प्रकरणी वनमंत्री संजय राठोड अडचणीत सापडले आहेत. त्यांनी मंत्रीपदाचा राजीनामा देण्याची मागणी विरोधकांकडून केली जात आहे. त्यामुळे राठोड गुरूवारी यावर खुलासा करण्याची शक्यता आहे. यापार्श्वभूमीवर राष्ट्रवादी काँग्रेसचे प्रवक्ते नवाब मलिक यांनी राठोडांना खुलासा न करण्याचा सल्ला दिला आहे. 

पूजा चव्हाण मृत्यू प्रकरणावरून विरोधकांकडून महाविकास आघाडी सरकारला घेण्यात आले आहे. वनमंत्री संजय राठोड हेच पूजाच्या मृत्यूला जबाबदार असल्याचा आरोप विरोधकांकडून केला जात आहे. त्यामुळे त्यांनी राजीनामा द्यावा, ही मागणी जोर धरू लागली आहे. मुख्यमंत्री उध्दव ठाकरे यांच्यावरही दबाव वाढला आहे. राठोड यांच्या समर्थनार्थ यवतमाळमध्ये मोर्चाही काढण्यात आला.

राठोड हे गुरूवारी पोहरादेवी येथे माध्यमांसमोर आपली बाजू मांडणार असल्याचे समजते. त्याअनुषंगाने बोलताना मलिक म्हणाले, राठोड यांच्यावर आरोप-प्रत्यारोप सुरू आहेत. ते जिथे तिथे असतील. चौकशीतून सर्वकाही समोर येईल. ते दोषी असतील तर त्यांच्यावर कारवाई होईल. ते नेत्यांच्या संपर्कात असून त्यांची कामे करत आहेत. या प्रकरणात राठोड यांनी खुलासा करू नये, असा सल्ला मलिक यांनी दिला.

खुलासा केला तर नवीन प्रश्न निर्माण होतात. पोलिस तपासातून सत्य समोर येईल. पूजा चव्हाण हिच्याशी राठोडांचे चुकीच्या पध्दतीने नाते जोडू नये. चौकशीतून या गोष्टी समोर येऊ द्या. त्यांच्यात वेगळे नाते असते तर मुलीने आई वडिलांबरोबरचा त्यांचा फोटो ठेवला नसता, असेही मलिक म्हणाले. 

आशिष शेलारांवर पलटवार...

भाजप नेते आशिष शेलार यांनी नवाब मलिक यांच्यावर कोरोना लशीसंदर्भात टीका केली आहे. मलिक यांनी लोकांना लस न घेण्याचे आवाहन केल्याचे ते म्हणाले होते. त्यावर बोलताना मलिक म्हणाले, मी कधी कोणाला लस घेऊ नका असे आवाहन केलेले नाही. माझी बहिण डॉक्टर असून तिला कॉल आल्यानंतर तिने लगेच लस घेतली आहे. लसीबाबत लोकांच्या मनात असलेली भिती ती दूर झाली पाहिजे. जगात सर्व राष्ट्र प्रमुखांनी आधी लस घेतली त्याप्रमाणे पंतप्रधानांनी लस घेऊन लोकांमध्ये विश्वास निर्माण करावा, असे मलिक म्हणाले.

Edited By Rajanand More

Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुकट्विटरइन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.

Related Stories

No stories found.
Sarkarnama News
sarkarnama.esakal.com