नवाब मलिक जेवढे कमी बोलतील तेवढ्या अडचणी कमी होतील! - Opposition leader Praveen Darekar criticizes Nawab Malik | Politics Marathi News - Sarkarnama

ब्रेकिंग न्यूज

खासदार संभाजीराजे छत्रपती यांनी मराठा समाजासाठी केलेल्या मागण्या मान्य करण्याची राज्य सरकारची तयारी
मुख्यमंत्री उद्धव ठाकरे व खासदार संभाजीराजे छत्रपती यांची उद्या (17 जून) पाच वाजता वर्षा निवासस्थानी महत्वपूर्ण बैठक

नवाब मलिक जेवढे कमी बोलतील तेवढ्या अडचणी कमी होतील!

सरकारनामा ब्यूरो
मंगळवार, 11 मे 2021

मलिक फक्त अन्य राज्यांची आपल्याला सोयीची उदाहरणे देऊन केंद्रावर टीका करणे एवढेच काम रोजच्या पत्रकार परिषदांमधून करतात.

मुंबई : राष्ट्रवादी काँग्रेसचे प्रवक्ते आणि अल्पसंख्याक मंत्री नवाब मलिक (Nawab Malik) जेवढे कमी बोलतील तेवढ्या अडचणी कमी होतील, अशा शब्दांत विधानपरिषदेतील विरोधी पक्षनेते प्रवीण दरेकर (Praveen Darekar) यांनी त्यांच्यावर टीका केली आहे. (Opposition leader Praveen Darekar criticizes Nawab Malik)

राष्ट्रवादीचे (Ncp) प्रवक्ते असलेले मलिक फक्त अन्य राज्यांची आपल्याला सोयीची उदाहरणे देऊन केंद्रावर टीका करणे एवढेच काम रोजच्या पत्रकार परिषदांमधून करतात. कोरोनाच्या संकटकाळात आपले राजकारण पुढे नेण्याचाच त्यांचा प्रयत्न असतो. त्याखेरीज कोरोनासंदर्भात रचनात्मक उपाय आदींबाबत काहीही बोलत नाहीत. केवळ केंद्र विरुद्ध राज्य असेच चित्र ते उभे करतात, अशी वक्तव्ये त्यांनी थांबवली पाहिजेत, असे दरेकर म्हणाले आहेत.

हे ही वाचा : पुण्यातील लॅाकडाऊन कधी संपणार? याचे उत्तर आहे या आकड्यात!

नवाब मलिक यांनी हा वादविवाद थांबवत व्यापक दृष्टीने विचार करावा. तसेच कोरोनाच्या या संकटकाळात सर्व पक्ष मिळून काम करून, समन्वयातून कोरोना संकट दुरू करण्यासाठी झटूया, अशी अपेक्षाही दरेकर यांनी व्यक्त केली. 
 
''नवाब मलिक यांच्या रोजच्या पत्रकारपरिषदांमधील व्यक्तव्यातून राज्यामध्ये आरोग्य व्यवस्थेबद्दल उपाययोजना सुचवण्यासंदर्भात कधीही ऐकायला मिळत नाही. आरोग्य व्यवस्था सक्षम करण्यासाठी, गतिमान करण्यासाठी राज्यसरकार काय उपाययोजना करणार याबाबत त्यांनी कधी पत्रकार परिषदेमध्ये बोलल्याचे आठवत नाही. नवाब मलिक इतर राज्यांनी केलेल्या चांगल्या कामांची उदाहरणे देत असताना इतर राज्यांनी केलेल्या चांगल्या गोष्टींची अंमलबजावणी करण्यासाठी आपण राज्यात काय केले हे ते कधीच सांगत नाहीत'', असेही दरेकर म्हणाले.

हे ही वाचा : पोटनिवडणुकीत कोरोना होऊन शिक्षकासह चौघांना गमावलेल्या माने कुटुंबीयांस फडणवीसांचा फोन

परदेशाला मदत पाठविल्यानंतर पंतप्रधान नरेंद्र मोदी आणि केंद्रावर अनेक पक्षांनी टीका केली होती. परंतु आज फ्रांस, कतार येथून ऑक्सिजन साठा, व्हेंटीलेटर तसेच आरोग्य यंत्रणा सामुग्री येत असून अनेक देश मदतीचा हात पुढे करत आहे. 'गिव्ह अँड टेक' पॉलिसी प्रमाणे आपण अन्य देशांना मदत केली, नसती तर आज संकट काळात परदेशातून आपल्याला मदत मिळाली नसती, याचे भानही मलिक यांनी ठेवावे, असेही दरेकर यांनी म्हटले आहे.  

अधिक राजकीय बातम्यांसाठी सरकारनामा अॅप डाऊनलोड करा
Play Store    App Store

संबंधित लेख