भाजपचे आमदार कमी करण्यासाठी मंत्र्यांनी स्टोरी रचली! - Opposition leader Devendra Fadnavis criticizes the state government | Politics Marathi News - Sarkarnama

ब्रेकिंग न्यूज

ज्येष्ठ नेते गणपतराव देशमुख यांचे निधन...
मुख्यमंत्री उद्धव ठाकरे कोल्हापुरात दाखल..पुरग्रस्त भागाची पाहणी

भाजपचे आमदार कमी करण्यासाठी मंत्र्यांनी स्टोरी रचली!

सरकारनामा ब्यूरो
सोमवार, 5 जुलै 2021

विधानसभेत १२ आमदारांच्या निलंबनाचा प्रस्ताव मंजूर झाल्यानंतर भाजपने (BJP) कामकाजावर बहिष्कार टाकत सभात्याग केला.

मुंबई : आम्हाला ज्या गोष्टीची शंका होती. ती शंका खरी ठरली. आम्ही सरकारला ओबीसी आरक्षणावरुन उघडे पाडले, या सरकारमुळे ओबीसी आरक्षण कसे गेले, ते दाखवले. खोटे आरोपे करुन आमच्या १२ आमदारांना एक वर्षासाठी निलंबित केले. आमदारांना निलंबित करण्यासाठी सरकारच्या काही मंत्र्यांनी स्टोरी तयार केली, असा सनसनाटी आरोप विरोधी पक्षनेते देवेंद्र फडणवीस (Devendra Fadnavis) यांनी केला. (Opposition leader Devendra Fadnavis criticizes the state government) 

विधानसभेत १२ आमदारांच्या निलंबनाचा प्रस्ताव मंजूर झाल्यानंतर भाजपने (BJP) कामकाजावर बहिष्कार टाकत सभात्याग केला. त्यानंतर फडणवीस यांनी माध्यमाशी संवाद साधताना वरील आरोप केला. ते म्हणाले, अशा घटना घडल्यानंतर नियमित अध्यक्षाच्या चेंबरमध्ये चर्चा होत असते. आजही अध्यक्षांच्या चेंबरमध्ये भाजपच्या एकाही सदस्याने तालिका अध्यक्षांना शिवीगाळ केली नाही.

हेही वाचा : अधिवेशनाच्या पहिल्याच १० मिनिटात मुनगंटीवार आणि भास्कर जाधव यांच्यात चकमक

शिव्या देणारे दुसरेच होते. आमदार आशिष शेलार यांनी भास्कर जाधव यांना सांगितले की, सगळ्या सदस्यांच्या वतीने मी माफी मागतो. त्यानंतर भास्कर जाधव  (Bhaskar Jadhav) यांची आमदार गिरीश महाजन आणि आशिष शेलार (Ashish Shelar) यांनी गळाभेटही घेतली. तो विषय तेथेच संपवून आम्ही बाहेर आलो. त्यानंतर आमचे आमदार निलंबीत करण्यासाठी या सरकारच्या मंत्र्यांनी स्टोरी तयार केली, असा आरोप फडणवीस यांनी केला.  

आमच्या 12 काय सगळ्या सदरस्यांचे पद रद्द करा, असेही फडणवीस म्हणाले. या आधीही आमदार अनेकदा स्टेजवर चढले, पण कधी कोणावर निलंबनाची कारवाई झाली नाही. माझ्यावर हक्कभंग आणला तरी काही हरकत नाही. पण खरे सांगतो आमच्या आमदारांनी तिथे शिवीगाळ केली नाही, शिवसेनेच्या सदस्यांनी तिथे येऊन धक्काबुक्की केली. आमचे सदस्य तिथे आक्रमक झाले होते, पण त्यांना आम्ही शांत केले, असा दावाही फडणवीस यांनी केला.

हेही वाचा :  तर रामदास आठवले महाराष्ट्राचे मुख्यमंत्री झाले असते!

मराठा समाजाला सरकारने फसवले आहे. मराठा समाजाची फसवणूक करण्यासाठी ओबीसी आरक्षणाचा ठराव आणला गेला, असा आरोप फडणवीस यांनी केला. ठरावाच्या माध्यमातून मराठा समाजाची दिशाभूल करण्याचा प्रयत्न होत आहे. स्थानिक स्वराज्य संस्थांच्या निवडणुकीपर्यंत कुठल्याही परिस्थितीत ओबीसींचे आरक्षण परत आणायचे नाही. असे सरकारने ठरवले आहे. केवळ वेळकाढूपणा केला जात आहे, असेही फडणवीस यांनी नमूद केले.

Edited By - Amol Jaybhaye 

अधिक राजकीय बातम्यांसाठी सरकारनामा अॅप डाऊनलोड करा
Play Store    App Store

संबंधित लेख