शिवसेनेची हालत वर्धापन दिनाच्या या बॅनरसारखीच!  

सिंधुदुर्गमध्ये एका पेट्रोलपंपावर शिवसेना आणि राणेसमर्थक भाजप कार्यकर्त्यांमध्ये राडा झाला.
 Shiv Sena .jpg
Shiv Sena .jpg

मुंबई : गेल्या काही दिवसांपासून सातत्याने शिवसेनेला (ShivSena) लक्ष्य करणारे भाजप नेते माजी खासदार निलेश राणे (Nilesh Rane) यांनी शिवसेनेच्या वर्धापन दिनाच्या पार्श्वभूमीवर लावण्यात आलेल्या बॅनरवरून शिवसेनेवर टीका केली. तसेच, शिवसेनेचे स्थानिक आमदार वैभव नाईक (Vaibhav Naik) यांच्यावर देखील त्यांनी निशाणा साधला. शनिवारीच सिंधुदुर्गमध्ये एका पेट्रोल पंपावर शिवसेना आणि भाजप कार्यकर्त्यांमध्ये राडा झाल्यानंतर आता पुन्हा एकदा राणे विरुद्ध शिवसेना असा वाद रंगला आहे. (Nilesh Rane criticizes ShivSena) 

या संदर्भात निलेश राणे यांनी एक ट्वीट केले आहे. त्यामध्ये ते म्हणाले की, ''शिवसेनेचा वर्धापन दिनाचा बॅनर पण शिवसेना आमदार नाईक सारखा लुक्का निघाला... एका तासात उलटा झाला. शिवसेना पक्षाची हालत पण या बॅनर सारखीच झाली आहे. वाईट वाटते स्व. बाळासाहेब ठाकरेंसाठी, पक्षाची सुरुवात केली वाघांना घेऊन... संपणार कुत्र्यांमुळे. असे ट्वीट निलेश राणे यांनी केले आहे. त्यांनी शिवसेनेच्या एका बॅनरचा फोटो ट्वीट केला आहे. 

दरम्यान, सिंधुदुर्गमध्ये एका पेट्रोलपंपावर शिवसेना आणि राणेसमर्थक भाजप कार्यकर्त्यांमध्ये राडा झाला. शिवसेनेच्या वर्धापन दिनानिमित्त आमदार वैभव नाईक यांनी एका पेट्रोल पंपावर मोफत पेट्रोल वाटायला सुरुवात केली. भाजपला पेट्रोल दरवाढीवरून खिजवण्यासाठी हा प्रकार केल्याचे बोलले जात होते. हा प्रकार लक्षात आल्यानंतर भाजप कार्यकर्ते तिथे पोहोचले. दोन्ही बाजूच्या कार्यकर्त्यांमध्ये बाचाबाची सुरू झाली. यावेळी आमदार वैभव नाईक देखील त्यामध्ये पडले होते, पण तेवढ्यात पोलिसांनी हा प्रकार थांबवला.  

Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुकट्विटरइन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.

Related Stories

No stories found.
Sarkarnama News
sarkarnama.esakal.com