''ज्याला लोक "रामराज्य" समजतात ते खरं तर "रामभरोसे" राज्य आहे.. - ncp rupali chakankar slams cm yogi adityanath over misbehavior women | Politics Marathi News - Sarkarnama

ब्रेकिंग न्यूज

भाजपचे किरीट सोमय्या अखेर महालक्ष्मी एक्स्प्रेसने कोल्हापूरला रवाना
चरणजीत चन्नी होणार पंजाबचे नवे मुख्यमंत्री राज्याचे प्रभारी हरीश रावत यांची घोषणा
गणेशोत्सव विसर्जनामुळे पुण्यात मध्यवर्ती भागातील रस्ते वाहतुकीसाठी बंद
अंबिका सोनी यांनी पंजाबचे मुख्यमंत्रीपद नाकारले
पुरग्रस्तांसाठी सरकारची महत्वाची घोषणा ; नव्या निकषानुसार मदत

''ज्याला लोक "रामराज्य" समजतात ते खरं तर "रामभरोसे" राज्य आहे..

सरकारनामा ब्युरो
शनिवार, 10 जुलै 2021

रुपाली चाकणकर यांनी योगी सरकार व भाजपवर निशाणा साधला आहे.

पुणे : उत्तरप्रदेशात पंचायत समितीच्या निवडणुकीत एका महिलेशी गैरवर्तन केल्याची घटना समोर आली आहे. याचा व्हिडिओ व्हायरल झाल्यानंतर उत्तरप्रदेशचे मुख्यमंत्री योगी आदित्यनाथ व भाजपवर विरोधकांनी संताप व्यक्त केला आहे. सोशल मीडियातून या घटनेवरुन टिका होत आहे. राष्ट्रवादी काँग्रेसच्या प्रदेशाध्यक्षा रुपाली चाकणकर यांनी योगी सरकार व भाजपवर निशाणा साधला आहे. ncp rupali chakankar slams cm yogi adityanath over misbehavior women

रुपाली चाकणकर आपल्या टि्वटमध्ये म्हणतात, ''ज्याला लोक "रामराज्य" समजतात ते खरं तर "रामभरोसे" राज्य आहे. रामभरोसे राज्यात असलेल्या आंधळ्या सरकारमुळे तिथे कायदा आणि सुव्यवस्था नावालाही शिल्लक नाही. सीतेची ही हतबलता तिथे रोजचीच आहे.'' 

उत्तर प्रदेशात पंचायत समिती (ब्लॅाक प्रमुख) सभापतीसाठीच्या निवडणूकीची धामधूम सुरू आहे. सुमारे 825 समितींसाठी ही निवडणूक होणार आहे. पण अर्ज भरण्याच्या अखेरच्या दिवशी गुरूवारी विरोधकांनी एका महिलेशी गैरवर्तन केल्याची घटना समोर आली होती. महिलेच्या साडीला धरून ओढल्याचा व्हिडीओ व्हायरल झाल्यानंतर सहा पोलिसांना तडकाफडकी निलंबित करण्यात आले आहे.  

उत्तर प्रदेशमध्ये समाजवादी पक्षाच्या महिला उमेदवाराच्या अर्जावर अनुमोदक म्हणून सही करण्यासाठी निघालेल्या महिला सदस्यासोबत हा प्रकार घडला आहे. समाजवादी पक्षाने भाजपच्या कार्यकर्त्यांनी महिलेची साडी ओढल्याचा आरोप केला आहे.  भाजप कार्यकर्त्यांनी गैरवर्तन केल्याचा व्हिडीओ पक्षाचे अध्यक्ष अखिलेश यादव यांनी काल ट्विट केला आहे. 

लखीमपुर खीरी जिल्ह्यातील पसगवां ब्लॅाकमध्ये समाजवादी पक्षाकडून रितू सिंह या उमेदवारी अर्ज भरणार होत्या. त्यांच्या अर्जावर अनुमोदक म्हणून सही करणाऱ्या एक सदस्य कार्यालयात निघाली होती. पण विरोधी कार्यकर्त्यांनी त्यांची अडवणूक केली. हे कार्यकर्ते त्यांची साडी ओढत असल्याचे व्हिडीओमध्ये स्पष्टपणे दिसत आहे. अखेर या महिलेला अर्ज भरताच आला नाही. आपला उमेदवार बिनविरोध निवडून आणण्यासाठी ही अडवणूक करण्यात आल्याचा दावा समाजवादी पक्षाकडून करण्यात आला आहे. 
बिहारचे माजी मुख्यमंत्री लालू प्रसाद यादव यांच्या पत्नी राबडी देवी यांनीही योगी सरकारवर टिका करीत संताप व्यक्त केला आहे. 
 

अधिक राजकीय बातम्यांसाठी सरकारनामा अॅप डाऊनलोड करा
Play Store    App Store

संबंधित लेख