सचिन वाझेंना मर्सिडिज घेण्यास नाना पटोले आणि सचिन सावंतांकडून मदत?

सचिन वाझे यांना मर्सिडिज घेण्यास नाना पटोले आणि सचिन सावंत यांनी मदत केली असल्याचा आरोप शेलार यांनी केला आहे.
nana17f.jpg
nana17f.jpg

मुंबई : पोलिस अधिकारी सचिन वाझे यांच्या चौकशीत अनेक आश्‍चर्यकारक गोष्टी पुढे येत आहेत. वाझेंकडून जप्त करण्यात आलेल्या मर्सिडिज मोटारीत पाच लाख रूपये रोख, काही कपडे व नोटा मोजण्याची मशीन सापडल्याची खळबळजनक माहिती तपास करणाऱ्या ‘एनआयए’चे मुंबई प्रभारी अनिल शुक्ला यांनी दिली. NIA ने ताब्यात घेतलेली मर्सिडिज गाडी कोणाची याबाबतही चर्चा सुरू आहे. या मर्सिडिज गाडीबाबत भाजपचे नेते आशिष शेलार यांची गंभीर आरोप केले आहेत. 

सचिन वाझे यांना मर्सिडिज घेण्यास काँग्रेसचे प्रदेशाध्यक्ष नाना पटोले आणि काँग्रेसचे प्रवक्ते सचिन सावंत यांनी मदत केली असल्याचा आरोप शेलार यांनी केला आहे. याबाबत चैाकशी व्हावी, अशी मागणीही शेलार यांनी केली आहे.' नाना पटोले यांना कोणीही गांभीर्याने घेत नाही. पटोले हे सचिन वाझेंचे दलाल म्हणून काम करीत आहेत,' अशी टीका शेलार यांनी केली आहे.  

सचिन वाझे प्रकरणामध्ये रोजच नवनवीन खुलासे समोर येत आहेत, असाच एक धक्कादायक खुलासा एनआयए (NIA)  च्या तपासा दरम्यान समोर आला आहे. NIA ने ताब्यात घेतलेली मर्सडिज कार ही धुळ्यातील एका उद्योजकाची असल्याचं समोर आले आहे."

सचिन वाझे प्रकरणमधील मर्सिडीज गाडी माझीच होती, परंतु ती गाडी मी फेब्रुवारीमध्येच car24 या online कंपनीला विकली. त्यामुळे या प्रकरणाशी माझा काही संबंध नाही," असं या गाडीचे आधीचे मालक उद्योजक सारांश भावसार यांनी सांगितलं आहे. "या प्रकरणी जर काही माहिती तपास यंत्रणेला पाहिजे तर मी निश्चित सहकार्य करेल," असे आश्वासन भावसार यांनी दिले आहे.

वाझेच्या मोटारीत सापडलेल्या कपड्यांमध्ये पीपीई किट असल्याबाबत स्पष्ट बोलण्यास ‘एनआयए’चे मुंबई प्रभारी अनिल शुक्ला यांनी नकार दिला आहे. मात्र, याबाबत तपास करण्यात येत असल्याचे त्यांनी स्पष्ट केले. या मोटारीतून स्कॉर्पिओला वापरण्यात आलेल्या दोन नंबर प्लेट मिळाल्याचे शुक्ला यांनी सांगितले. ही मोटार स्वत: वाझे चालवत असल्याचे स्पष्ट झाले असून मोटारीचा मालकाचा शोध घेण्यात येत असल्याचे शुक्ला यांनी सांगितले.
Edited  by :  Mangesh Mahale

Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुकट्विटरइन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.

Related Stories

No stories found.
Sarkarnama News
sarkarnama.esakal.com