BMC निवडणूक : भाजपला रोखण्यासाठी महापालिकेतही महाविकास आघाडीची नांदी.. 

भाजपला रोखण्यासाठी आगामी काळात महापालिकेतही महाविकास आघाडीतल्या पक्षांची एकजूट पाहायला मिळणार का, हे लवकरच समजेल.
Sarkarnama Banner (7).jpg
Sarkarnama Banner (7).jpg

मुंबई : आगामी महापालिका निवडणुकीच्या आधी होणा-या वैधानिक समित्यांच्या निवडणुकीत शिवसेनेला राष्ट्रवादी आणि समाजवादी पक्षाकडून पाठिंबा मिळत आहे. त्यामुळे राष्ट्रवादी कॅाग्रेस आणि समाजवादी पक्षाने अर्ज दाखल केले नाहीत. 

कॅाग्रेसकडून समिती निवडणुकांसाठी अर्ज दाखल झाले असले तरी कॅाग्रेस अर्ज मागे घेणार असल्याची चर्चा आहे. कॅाग्रेसही शिवसेनेलाच पाठिंबा देणार असल्याचा सेनेकडून दावा करण्यात आला आहे. भाजपला रोखण्यासाठी आगामी काळात महापालिकेतही महाविकास आघाडीतल्या पक्षांची एकजूट पाहायला मिळणार का, हे लवकरच समजेल.

 
शिवसेनेकडून यशवंत जाधव, संध्या दोषी, सदा परब यांना संधी...  
शिवसेनेकडून वैधानिक समिती निवडणूकीसाठी आज अर्ज दाखल करण्यात आले.  महत्वाच्या समित्यांवर सेनेकडून यंदा आधीच्या अध्यक्षांनाच पुन्हा संधी देण्यात आली आहे. आगामी महापालिका निवडणुकीच्या पार्श्वभूमीवर सेनेकडून भाजपला रोखण्यासाठी जूनी फळीच मैदानात उतरविण्यात आली आहे. यशवंत जाधव यांचा स्थायी समिती अध्यक्षपदासाठी अर्ज दाखल केला आहे. संध्या दोषी यांचा शिक्षण समिती अध्यक्षपदासाठी, सदा परब यांचा सुधार समिती, बेस्ट समिती अध्यक्षपदासाठी आशिष चेंबुरकरांना संधी देण्यात आली आहे. 

भाजपाकडून शिरवाडकर, यादव, म्हात्रे, गंगाधरे यांना उमेदवारी
मुंबई पालिकेतील स्थायी, शिक्षण, सुधार आणि बेस्ट समिती अध्यक्षपदाची निवडणूक आज, गुरुवारी होत आहे. या समित्यांच्या अध्यक्षपदासाठी भारतीय जनता पक्षाकडून राजेश्री शिरवाडकर (स्थायी समिती), पंकज यादव (शिक्षण समिती), स्वप्ना म्हात्रे (सुधार समिती), प्रकाश गंगाधरे (बेस्ट) यांनी उमेदवारी अर्ज भरला आहे.
 

Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुकट्विटरइन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.

Related Stories

No stories found.
Sarkarnama News
sarkarnama.esakal.com