नुसते प्रदेशाध्यक्षपद नको, असे सांगणाऱ्या नानांचा पत्ता कट?

काँग्रेसच्या प्रदेशाध्यक्षपदाची चर्चा अनेक दिवसांपासू राज्यात रंगली आहे. या पदासाठी काँग्रेसच्या अनेक नेत्यांची नावे स्पर्धेत होती
Nana Patole jpg
Nana Patole jpg

मुंबई : काँग्रेसच्या प्रदेशाध्यक्षपदाची चर्चा अनेक दिवसांपासू राज्यात रंगली आहे. या पदासाठी काँग्रेसच्या अनेक नेत्यांची नावे स्पर्धेत होती. त्यामध्ये विधानसभेचे अध्यक्ष नाना पटोले यांच्या नावावर शिक्का मोर्तब झाल्याचे सांगितले जात होते. मात्र, पटोले यांनी प्रदेशाध्यक्ष पदासोबत मंत्री पदाची मागणी केल्याने प्रदेशाध्यक्षपदाची निवड तूर्तास स्थगित करण्यास हायकमांडला भाग पाडल्याचं खात्रीलायक वृत्त आहे. 

याबाबतचं वृत्त ‘द इंडियन एक्सप्रेस’ने दिलं आहे. काँग्रेस हायकमांडने विद्यमान प्रदेशाध्यक्ष बाळासाहेब थोरात यांच्याकडील प्रदेशाध्यक्षपदाचा भार काढून तो नाना पटोले यांच्याकडे देण्याचा निर्णय घेतला होता. पटोले यांच्या नेतृत्वात पक्षाचा मोठ्या प्रमाणावर विस्तार होईल. ते पक्षाला भरपूर वेळ देऊ शकतील या हेतूने पटोले यांच्याकडे प्रदेशाध्यक्षपदाची सूत्रे सोपवण्यात येणार होती. 

थोरात यांच्याकडे विधानसभेतील पक्षाच्या गटनेते पदाची जबाबदारी आहे. राज्याचे महसूल मंत्री आणि काँग्रेसचे प्रदेशाध्यक्ष आहेत. त्यामुळे त्यांच्यावर तीन-तीन जबाबदाऱ्या असल्याने ते प्रदेशाध्यक्षपदाला न्याय देऊ शकत नसल्याची भावना आहे. त्यातच शिवसेना आणि राष्ट्रवादीने पक्षाचा वेगाने विस्तार करण्यास सुरुवात केली आहे. त्यामुळेही पक्षाला पूर्णवेळ अध्यक्ष देण्याच्या हालचाली काँग्रेसमध्ये सुरू झाल्या होत्या.

सूत्रांनी दिलेल्या माहितीनुसार, पटोले यांच्या प्रदेशाध्यक्षपदावर काँग्रेसच्या हंगामी अध्यक्षा सोनिया गांधी यांनी शिक्कामोर्तब केलं होतं. त्यांच्या नियुक्तीपत्रावर सोनिया गांधी यांनी सहीही केली आहे. मात्र पटोले यांनी प्रदेशाध्यक्षपदाबरोबरच मंत्रीपदाची मागणी केली. ऊर्जा किंवा सार्वजनिक बांधकाम खात्याचं मंत्रिपद देण्याची मागणी पटोले यांनी केली. पटोले यांची ही मागणी धुडकावून लावली. त्यामुळे काँग्रेसच्या प्रदेशाध्यक्षपदाची निवड रखडली गेल्याचं सूत्रांनी सांगितलं.

नव्या प्रदेशाध्यक्षाचा शोध सुरू

सूत्रांच्या मते काँग्रेसला पुर्णवेळ प्रदेशाध्यक्ष हवा आहे. जो पक्षासाठी पुर्णवेळ देऊन काम करेल. अशा प्रदेशाध्यक्षाची केंद्रीय नेत्यांना गरज आहे. मात्र, पटोले यांनी दुर्देवाने त्यांची आणखी एक मागणी वाढवली. त्याचा हायकमांडलाही आश्चर्याचा धक्का बसल्याच सूत्रांनी सांगितलं. 

नवा प्रदेशाध्यक्ष निवडण्याची जबाबदारी काँग्रेसचे महाराष्ट्र प्रदेश प्रभारी एच. के. पाटील यांच्याकडे सोपवण्यात आली आहे. पाटील यांनी राज्यातील मंत्री, नेते आमदारांच यांच्याशी चर्चा करून, त्यांची मते जाणून घेण्यास पटील यांनी सुरुवात केली आहे.

Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुकट्विटरइन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.

Related Stories

No stories found.
Sarkarnama News
sarkarnama.esakal.com