मुंबई : महाराष्ट्र एटीएसने मोठ्या ड्रग्ज रॅकेटवर कारवाई दणक्यात सुरु केली आहे. एटीएसने मंगळवारी हिमाचल प्रदेशातील विविध जिल्ह्यांत अनेक ठिकाणी छापे टाकले असून अजूनही छापेमारी सुरु आहे. या छाप्यात आतापर्यंत २ जणांना अटक करण्यात आली असून मोठ्या प्रमाणात ड्रग्ज जप्त करण्यात आली आहे.
यामध्ये हिमाचल प्रदेशातील कुल्लू जिल्ह्यात एका हॅाटेलमध्ये (मनाली क्रीम) चरसची तस्करी करणाऱ्या टोळीच्या मोहरक्याचा एटीएसच्या पथकाने पर्दाफाश केला आहे. महाराष्ट्र एटीएसचे अतिरिक्त सह पोलिस आयुक्त शिवदीप लांडेंच्या पथकाने ही कारवाई केली.
या तस्तरांच्या मुस्क्या आवळण्यासाठी लांडे यांच्या पथकाने हिमाचल प्रदेशमध्ये विविध ठिकाणी छापेमारी केली. त्यामध्ये या तस्करितील मुख्य सूञधार रुमी ठाकूरला एटीएसने मंगळवारी अटक केली. रूमीला आज बुधवार (ता. ३ मार्च) पुण्याच्या शिवाजीनगर येथील सत्र न्यायालयात हजर केले जाणार आहे.
रूमी ठाकुर हा कुल्लू मनालीला एक रिवर व्यूव नावाचे हॅाटेल चलवत होता. तो मुंबई, गोवा, बैंगलुरु आणि पुणे येथे चरसची तस्करी करत होता. या प्रकरणात दोन अन्य महत्वाच्या आरोपींचा शोध घेण्यासाठी एटीएसचे पथक हिमाचल प्रदेशला गेले आहे.
नेमके प्रकरण काय?
डिसेंबर २०२० मध्ये पुणे पोलिसांनी हिमाचल प्रदेशच्या दोन तस्करांना ३२ किलो चरसह अटक केली होती. ज्याची किंमत १ कोटी २० लाख रुपये होती. आरोपींच्या चौकशीत त्यांनी हे ड्रग्ज ३१ डिसेंबरच्या पार्टीसाठी आणले होते. हे ड्रग्ज मुंबई, पुणे, गोवा आणि बैंगलुरु येथे पाठवण्यात येणार असल्याचे उघड झाले होते. या आरोपिंकडून मिळालेल्या माहितीनूसार एटीएसने ही कारवाई केली आहे.
पोलिसांना संशय येऊ नये म्हणून आरोपिंनी हे ड्रग्ज दुचाकीच्या सायलेन्सरमध्ये लपवून मनालीहून दिल्लीला आणले. तेथून ट्रेनने आणि सार्वजनिक वाहनांतून ते मुंबई आणि पुण्यात आणले होते, अशी माहिती आरोपिंनी पोलिसांना दिली होती. या प्रकारांना आळा घालण्यासाठी एटीएसच्या पथकाने धडक हिमाचल प्रदेशमध्येच कारवाई केली.
Edited By - Amol Jaybhaye
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.