गोपीचंद पडळकरांचं आता थेट मुख्यमंत्र्यांना आव्हान... - Gopichand Padalkar challenges the Chief Minister will unveil a statue of Ahilya Devi | Politics Marathi News - Sarkarnama

ब्रेकिंग न्यूज

मुख्यमंत्र्यांकडून 5 हजार 400 कोटींचे पॅकेज जाहिर...
पुढील 15 दिवस संचारबंदीच्या काळात अत्यावश्यक सेवा सुरू राहणार...
अत्यावश्यक सेवेतील कर्मचाऱ्यांसाठी सार्वजनिक वाहतूक सेवा सुरू ठेवणार...
नोंदणीकृत घरगुती कामगारांनाही आर्थिक मदत देणार...
नोंदणीकृत फेरीवाल्यांनाही पंधराशे रुपयांची मदत मिळणार...
परवानाधारक रिक्षाचालकांना पंधराशे रुपये देणार...
पुढील महिनाभर गरीबांसाठी मोफत शिवभोजन थाळी...दोन किलो तांदूळ, तीन किलो गहू मिळणार
राज्यात उद्या रात्री आठ वाजल्यापासून संचारबंदी...मुख्यमंत्र्यांची घोषणा

गोपीचंद पडळकरांचं आता थेट मुख्यमंत्र्यांना आव्हान...

सरकारनामा ब्युरो
रविवार, 7 मार्च 2021

औंढा नागनाथ येथील अहिल्यादेवींच्या पुतळ्याचे 16 मार्चला अनावरण करणार पडळकर यांनी जाहीर केले आहे.

मुंबई : जेजुरी येथील पुण्यश्लोक अहिल्यादेवी होळकर यांच्या पुतळ्याचे अनावरण केल्यानंतर भाजपचे आमदार गोपीचंद पडळकर यांनी आता थेट मुख्यमंत्री उध्दव ठाकरे यांनाच आव्हान दिले आहे. औंढा नागनाथ येथील अहिल्यादेवींच्या पुतळ्याचे 16 मार्चला अनावरण करणार असल्याचे त्यांनी जाहीर केले आहे. हे जाहीर करताना त्यांनी मुख्यमंत्र्यांना टोला लगावल्याने अहिल्यादेवींच्या पुतळ्याच्या अनावरणावरून पुन्हा एकदा वाद निर्माण होण्याची शक्यता आहे.

जेजुरी येथील अहिल्यादेवींच्या पुतळ्याचे अनावरण राष्ट्रवादी काँग्रेसचे अध्यक्ष शरद पवार यांच्या हस्ते होणार होते. पण पडळकर यांनी आदल्यादिवशीच पुतळ्याचे अनावरण करण्याचा प्रयत्न केला. त्यावेळी त्यांनी शरद पवार यांच्यावर टीकाही केली होती. पडळकर यांच्या या कृतीने राज्यातील राजकारण चांगलंच तापलं होतं. राष्ट्रवादीकडून पडळकरांना जोरदार प्रत्यूतर देत त्यांच्यावर टीकेची झोड उठविली होती. 

आता पडळकर यांनी आपला मोर्चा मुख्यमंत्री उध्दव ठाकरे यांच्याकडे वळवला आहे. औंढा नागनाथ येथील अहिल्यादेवींच्या पुतळ्याचे अनावर 16 मार्चला मेंढपाळ बांधवांच्या हस्ते करणार असल्याचे त्यांनी जाहीर केले आहे. त्याची कार्यक्रम पत्रिका त्यांनी ट्विट केली असून त्यासोबत एक व्हिडिओही जोडला आहे. व्हिडिओमध्ये त्यांनी थेट मुख्यमंत्र्यांना टोला लगावला आहे.

हेही वाचा : कोरोनाच्या पार्श्वभूमीवर साहित्य संमेलन पुढे ढकलणार?

''मागील वर्षभरापासून पुतळ्याचे अनावरण रखडले आहे. पुतळ्याच्या अनावरणासाठी मुख्यमंत्र्यांना वेळ नाही. माझे कुटूंब माझी जबाबदारी यातून मुख्यमंत्र्यांना वेळ मिळाला नसेल. त्यामुळे 16 तारखेला पुतळ्याचे अनावरण करणार आहे. बहुजन समाजबांधवांनी सर्वांनी या कार्यक्रमाला यावे,'' असे पडळकर यांनी म्हटले आहे. पडळकर यांच्या या आव्हानानंतर राज्यातील राजकारण पुन्हा तापण्याची शक्यता आहे. 

काय घडले होते जेजुरीत?

गोपींचंद पडळकर यांनी 12 फेब्रुवारी रोजी पहाटे जेजुरी येथे पुण्यश्लोक अहिल्यादेवी होळकर यांच्या पुतळ्याचे अनावरण करण्याचा प्रयत्न केला. वास्तविक हे अनावरण राष्ट्रवादी काँग्रेसचे अध्यक्ष शरद पवार यांच्या हस्ते 13 तारखेला होणार होते. पडळकर यांच्या या स्टंटनंतर पोलिसांनी त्यांच्यावर गुन्हा दाखल केला. पुतळ्याचे अनावरण करण्याचा प्रयत्न करताना पडळकर व त्यांच्या कार्यकर्त्यांची पोलिसांशी झटापट झाली यावरून पोलिसांनी पडळकर यांच्याविरुद्ध शासकीय कामात अडथळा आणल्याचा  तसेच पोलिसांच्या झटपट केल्याचा व जिल्हाधिकारी यांचा आदेश डावलल्याचा  गुन्हा दाखल केला आहे.

Edited By Rajanand More

अधिक राजकीय बातम्यांसाठी सरकारनामा अॅप डाऊनलोड करा
Play Store    App Store

संबंधित लेख