आमदार झाले तरी नगरसेवकपदाचे मानधन खिशात 

मुंबई : मुंबई महानगरपालिका प्रशासनात नगरसेवक असलेल्या लोकप्रतिनिधींनी आमदार व खासदार म्हणून निवडूण आल्यानंतर एकाच सभागृहाचे मानधन घेणे नैतिकदृष्ट्या अपेक्षित आहे. परंतु आमदार बनलेल्या पराग शाह, (Parag Shah) रईस शेख  (Raees Sheikh) आणि दिलीप लांडे हे नगरसेवकपदाचेही मानधन महापालिकेकडून घेत आहेत. अशी धक्कादायक माहिती पुढे आली आहे. माहिती अधिकार कार्यकर्ते अनिल गलगली (Anil Galgali) यांना संबंधित पालिकेच्या चिटणीस विभागाकडून देण्यात आली आहे. (Even when they are MLAs, they are taking the salary of the corporator post) 

हेही वाचा : आता दिल्लीश्वरांनी आपल्या दिलदारीचे प्रदर्शन करावे!

आरटीआय कार्यकर्ते अनिल गलगली यांनी चिटणीस खात्याकडे माहिती मागितली होती. की सद्यस्थितीत जे नगरसेवक आमदार आणि खासदार झाले आहे. ते नगरसेवक पदाचे मानधन घेततात की नाही, घेत असल्यास त्याची माहिती देण्यात यावी. चिटणीस खात्याने अनिल गलगली यांना कळविले की खासदार मनोज कोटक आणि आमदार रमेश कोरगावकर मानधन घेत नाहीत. तर आमदार रईस शेख, पराग शहा आणि दिलीप लांडे यांस दरमहा रु. 25 हजार मानधनासाठी आणि महापालिकेच्या प्रत्येक सभेकरिता रु. 150 भत्त्यासाठी अश्या केवळ चार सभांकरिता दिले जाते.

अनिल गलगली यांच्या मते राजकीय पक्षाने जे नगरसेवक आमदार आणि खासदार बनले आहे. त्या नगरसेवकपदाचा राजीनामे देणे आवश्यक होते. मात्र, दुर्दैवाने कोणत्याही राजकीय पक्षाने निर्णय घेतला नाही. अश्या परिस्थितीत कमीत कमी मानधन न घेण्याची सूचना करणे आवश्यक होते. मात्र, तीही केलेली नाही. 

हेही वाचा : आमदाराच्या सख्ख्या भावाला खंडणीच्या गुन्ह्यात अटक; परमबीरसिंग प्रकरणाची सत्ताधाऱ्यांना धास्ती

रईस शेख हे समाजवादी पार्टीचे भिवंडी पूर्व मतदार संघाचे आमदार आहेत. पराग शहा हे भाजपचे घोटकोपर पूर्व मतदार संघाचे आमदार आहेत तर दिलीप लांडे हे शिवसेनेचे चांदविली मतदार संघाचे आमदार आहेत. यांनी नगरसेवक असताना विधानसभेची निवडणुक लढवली होती. त्यामुळे त्यांनी नगरसेवकपदाचा राजीनामा देणे अपेक्षीत होते. मात्र, सध्या ते त्या पदाचे मानधन घेत असल्याचे, माहिती अधिकारात समोर आले आहे.

Edited By - Amol Jaybhaye