मैत्रिणीसोबतचे आक्षेपार्ह छायाचित्र टाकणाऱ्या अंशुमन मल्होत्रावर दुर्गप्रेमी संतापले

पोलिस आणि वन विभागाने मल्होत्रावर कारवाई करावी
Sarkarnama Banner - 2021-07-14T095032.724.jpg
Sarkarnama Banner - 2021-07-14T095032.724.jpg

पाली :  वन विभागाने किल्ल्यावर पर्यटकांना येण्यास बंदी घातली आहे. तरीही एका अभिनेत्याने आपला वाढदिवस सुधागड Sudhagad येथे साजरा केला. त्यानंतर त्याने आपल्या मैत्रिणीसोबतचे आक्षेपार्ह छायाचित्र त्याने समाजमाध्यमांवर टाकल्याने दुर्गप्रेमींमध्ये संताप व्यक्त केला आहे. 

अभिनेता अंशुमन मल्होत्रा Anshuman Malhotraयाने कोरोनाचे निर्बंध तोडत सुधागड किल्ल्यावर वाढदिवस साजरा केल्याचा प्रकार नुकताच घडला. त्याने किल्ल्यावर आपल्या मैत्रिणीसोबत आक्षेपार्ह स्थितीमधील छायाचित्र काढून सोशल मीडियावर अपलोड केले. या सर्व प्रकाराला दुर्गप्रेमींनी व बा रायगड संस्थेच्या कार्यकर्त्यांनी आक्षेप घेतला आहे. पोलिस आणि वन विभागाने मल्होत्रावर कारवाई करावी, अशी मागणी केली आहे.

आपला वाढदिवस साजरा करण्यासाठी अंशुमन मल्होत्रा त्याच्या मित्र-मैत्रिणींसोबत किल्ले सुधागडवर आला होता; पण तिथे त्याने गैरवर्तन केल्याचा प्रकार घडला आहे. आपल्या मैत्रिणीसोबतचे आक्षेपार्ह छायाचित्र त्याने आपल्या इन्स्टाग्राम व युट्यूबवर अपलोड केले. त्यानंतर स्थानिकांनी याला आक्षेप घेतला आहे. ‘स्वराज्यासाठी ज्या किल्ल्यांवर आमच्या बापजाद्यांनी रक्त सांडले. स्वराज्य उभारण्यासाठी रक्ताचा अभिषेक घातला. तेथे जर अशा घटना घडत असतील तर संबंधित व्यक्तींवर कारवाई व्हावी,' अशी मागणी 'बा रायगड परिवार' संस्थेने तहसीलदार व पाली पोलिसांकडे केली आहे. या वादानंतर इन्स्टाग्रामवर आक्षेपार्ह छायाचित्र दिसत नसल्याने तो काढला असण्याची शक्यता आहे.

हे क्षेत्र अभयारण्य घोषित केले असल्याने वन विभागाने किल्ल्यावर पर्यटकांना येण्यास बंदी घातली आहे. तरीही हे लोक किल्ल्यावर कसे आले? याबाबत योग्य ती कारवाई करावी, तसेच सर्वांनीच गडांचे पावित्र्य जपावे.
प्रदीप गोळे, दुर्गप्रेमी

Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुकट्विटरइन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.

Related Stories

No stories found.
Sarkarnama News
sarkarnama.esakal.com