Covishield: लसीच्या दोन डोसमधील अंतर कुणाच्या सल्ल्यावरून दुप्पट?..

दोन लसींमधील अंतर वाढवून जवळपास दुप्पट करण्यास वैज्ञानिकांचा पाठिंबाच नव्हता.
44Sarkarnama_20Banner_20_2847_29_11.jpg
44Sarkarnama_20Banner_20_2847_29_11.jpg

नवी दिल्ली : कोविशिल्डच्या दोन लसींमधील अंतर वाढवून जवळपास दुप्पट करण्यास वैज्ञानिकांचा पाठिंबाच नव्हता. तज्ज्ञ गटातील 3 सदस्यांनी हा खुलासा केल्याचे समजते. रॉयटर्सनं यासंदर्भातलं वृत्त दिलं आहे. coronavirus covid 19 covishield vaccine corona vaccination ntagi

कोरोना व्हायरस (Coronavirus)ला नियंत्रणात आणण्यासाठी केंद्र सरकारने कोविशिल्ड (Covishield) लसीच्या दोन डोसमधलं अंतर वाढण्याबाबतचा निर्णय जाहीर केला.  गेल्या महिन्यात १३ मे रोजी केंद्र सरकारने कोविशिल्ड लसीच्या दोन डोसमधील अंतर12 ते 16 आठवडे इतकं निश्चित करण्यात आले. अगोदर हे अंतर 6 ते 8 आठवडे होते. हा निर्णय वैज्ञानिकांच्या गटानं केलेल्या शिफारशींनुसार घेतल्याचं देखील सांगितलं गेलं. पण आता त्याच वैज्ञानिकांनी धक्कादायक खुलासा केला आहे. या लशीच्या अंतराबाबर घेतलेल्या निर्णयाबाबत प्रश्नचिन्ह निर्माण झाले आहे. 

केंद्र सरकारच्या नॅशनल टेक्निकल अॅडवायजरी ग्रुप ऑन इम्युनायझेशन (NTAGI) या गटाने या लशींच्या दोन डोसमधील अंतर वाढवण्याच्या दिलेल्या सल्ल्यावरून हा निर्णय घेतल्याचं देखील जाहीर करण्यात आलं. या गटाने अंतर दुप्पट करण्याला कधीही समर्थन दिलं नव्हतं, असे स्पष्टीकरण यापैकी काही तज्ज्ञांनी केले आहे.

“नॅशनल इन्स्टिट्युट ऑफ एपिडेमोलॉजी (NTAGI) च्या वैज्ञानिकांनी ८ ते १२ आठवड्यांपर्यंत अंतर वाढवण्यावर सहमती दर्शवली होती. जागतिक आरोग्य संघटनेकडून देखील याचा सल्ला दिला आहे. पण १२ ते १६ आठवडे हे केंद्र सरकारचे आकडे आहेत. दोन डोसमधलं अंतर १२ आठवड्यांपेक्षा जास्त झालं तर १२ आठवड्यांनंतर कोणते संभाव्य परिणाम होऊ शकतात, याचा कोणताही डाटा NTAGI कडे नाही”, असे नॅशनल इन्स्टिट्युट ऑफ एपिडेमोलॉजीचे माजी संचालक एम. डी. गुप्ते रॉयटर्सशी बोलताना सांगितले.

Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi news on Mobile, Download the Sarkarnama Mobile App for Android and IOS.
सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक,ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.

Related Stories

No stories found.
Sarkarnama
www.sarkarnama.in