मुंबई : विधानसभेचे दोन दिवसीय पावसाळी अधिवेशन (Assembly Session) आजपासून सुरु झाले आहे. सभागृहात कामकाजाची सुरुवात होताच, तारांकीत प्रश्न वगळल्यामुळे विरोधी पक्षनेते देवेंद्र फडणवीस यांनी सरकारला धारेवर धरले. त्यानंतर भाजपचे आमदार सुधीर मुनगंटीवार बोलायला उभे राहिले. त्यांनी एका माजी मंत्र्याचे नाव घेतल्यामुळे सभागृहात गोंधळ झाला. (Clashes between Mungantiwar and Bhaskar Jadhav in the first 10 minutes of the convention)
मुनगंटीवार बोलत असताना शिवसेना आमदार भास्कर जाधव हे मध्ये बोलले. त्यावर मुनगंटीवार म्हणाले, तुम्ही मध्ये बोलू नका, एक माजी मंत्री असेच मध्ये बोलले होते. त्यामुळे त्यांना जावे लागले. तुम्ही मध्ये बोलत आहात. तुम्हालाही जावे लागेल. यावरुन काँग्रेस प्रदेशाध्यक्ष नाना पटोले यांनी हरकत घेतली. मुनगंटीवार हे सभागृहात सदस्यांना धमकी देत असल्याचे म्हटले. मुनगंटीवार यांचे वाक्य कामकाजातून वगळून टाकण्याची विनंती अध्यक्षांना केली.
मुनगंटीवार यांच्या या विधानावर राष्ट्रवादीचे प्रवक्ते आणि राज्याचे अल्पसंख्याक मंत्री नवाब मलिक यांनीही आक्षेप घेतला, मुनगंटीवार यांचे वक्तव्य सभागृहाच्या कामकाजातून काढून टाकण्याची मागणी केली. त्यामुळे कामकाज सुरु होतात, सभागृहात गोंधळ झाला. या नंतर भास्कर जाधव म्हणाले, मुनगंटीवार यांचे शब्द कामकाजातून न वगळता तसेच ठेवा आणि माझे रक्षण करा. कारण महाराष्ट्रात सध्या हेच सुरु आहे. जे कोणी यांच्या विषयी बोलले, त्यांच्यामागे सीबीआय, ईडी लावली जात आहे. त्यानंतर अध्यक्षांनी मुनगंटीवार यांचे वाक्य कामकाजातून काढून टाकत असल्याचे सांगितले.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.