...या राज्यातून येणारे नागरिक 'सुपर स्प्रेडर' ठरू शकतात!

कोरोना संक्रमण देशात अक्राळ विक्राळ रुप धारण करताना दिसत आहे. त्यातच महाराष्ट्रातही कोरोनाचे आकडे मोठ्या प्रमाणात वाढत आहेत.
 Bala Nandgaonkar .jpg
Bala Nandgaonkar .jpg

मुंबई : कोरोना संक्रमण देशात अक्राळ विक्राळ रुप धारण करताना दिसत आहे. त्यातच महाराष्ट्रातही कोरोनाचे आकडे मोठ्या प्रमाणात वाढत आहेत. देशात कोरोना रुग्णांची संख्या वाढत असताना पश्चिम बंगाल, केरळ, तामिळनाडू या राज्यांमध्ये विधानसभा निवडणुकांचा जोरदार प्रचार सुरु आहे. त्यावरुन महाराष्ट्र नवनिर्माण सेनेचे नेते बाळा नांदगावकर यांनी या राज्यातून येणाऱ्या नागरिकांवर कडक निर्बंध लावण्याची मागणी राज्य सरकारकडे केली आहे.

नांदगावकर यांनी या संदर्भात ट्वीट केले आहे. ते म्हणाले की ''राज्य सरकारने बंगाल, तामिळनाडू, केरळ येथून येणाऱ्या नागरिकांवर त्वरित कडक निर्बंध लावणे गरजेचे आहे. कारण तिथे निवडणुकी दरम्यान सगळे नियम झुगारल्याने येणारे नागरिक हे सुपर स्प्रेडर ठरू शकतात याबाबत वेळीच नियोजन करणे अतिशय गरजेचे'' असल्याचे नांदवकर यांनी सांगितले आहे.

राज्यात कोरोनाचे आकडे मोठ्या प्रमाणात वाढत आहेत. अशातच इतर राज्यातून येणाऱ्या नागरिकांची त्यात भर पडत आहे. त्यामुळे राज्यात येणाऱ्या नागरिकांसाठी कडक निर्बंध घालण्याची गरज आहे. तसचे पश्चिम बंगाल, केरळ आणि तामिळनाडूच्या विधानसभा निवडणुकीच्या प्रचारासाठी राज्यातून विविध पक्षाचे कार्यकर्ते गेलेले आहेत. या राज्यांमध्ये प्रचारात कोरोनाचे कोणतेही नियम पाळले जात नाहीत. त्यामुळे या राज्यातून येणारे नागरिक सुपर स्प्रेडर ठरु शकतात. यासाठी राज्य सरकारने कडक पाऊले उचलण्याची गरज आहे. 

दरम्यान, सलग तीन दिवसांपासून देशात आढळणाऱ्या रुग्णसंख्येने लाखांचा टप्पा पार केला आहे. आरोग्य मंत्रालयाने शुक्रवारी सकाळी दिलेल्या आकडेवारीनुसार, भारतात गुरुवारच्या २४ तासांत १ लाख ३१ हजार ८७८ करोनाबाधित रुग्णांची भर पडली तर ८०२ रुग्णांच्या मृत्यूची नोंद झाली आहे. देशात सध्या ९ लाख ७४ हजार २३३ रुग्णांवर उपचार सुरू आहेत.  
 

Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुकट्विटरइन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.

Related Stories

No stories found.
Sarkarnama News
sarkarnama.esakal.com