पंढरपूर : आषाढीचा सोहळा मोजक्या भाविकांच्या उपस्थितीत प्रतिकात्मक पध्दतीने साजरा केला जाणार आहे. मानाच्या दहा पालख्यातील ४०० भाविकांना वारीसाठी पंढरपुरात प्रवेश दिला जाणार आहे. सर्व प्रथा आणि परंपराचे जतन करत यंदाचा आषाढी एकादशीचा सोहळा साजरा केला जाणार आहे Ashadi Maha Puja
येत्या २० जुलै रोजी आषाढी एकादशीचा सोहळा साजरा होणार आहे. दोन वर्षापासून राज्यात कोरोनाचे संकट आहे. कोरोनाचा आणखी प्रादुर्भाव वाढू नये, म्हणून राज्य सरकारने आषाढी पायी पालखी सोहळा व पंढरपूरची यात्रा रद्द केली.
आषाढीची श्री विठ्ठल रूक्मिणीची शासकीय महापूजा Ashadi Maha Puja मुख्यमंत्री उध्दव ठाकरे . Chief Minister Uddhav Thackeray यांच्या हस्ते सपत्नीक होणार आहे. मंदिर समितीने मुख्यमंत्री उध्दव ठाकरे यांची मुंबईत भेट घेवून निमंत्रण दिले आहे.
मुख्यमंत्री उध्दव ठाकरे यांनी मंदीर समितीच्या या निमंत्रणाचा नम्रपणे स्विकार करत महापूजेसाठी पंढरपूरला येणार असल्याचे सांगितले, अशी माहिती मंदिर समितीचे सह अध्यक्ष गहिनीनाथ महाराज औसेकर यांनी दिली.मुख्यमंत्री उध्दव ठाकरे यांच्या हस्ते विठ्ठल रूक्मिणीची शासकीय महापूजा होणार आहे. महापूजेसाठी मुख्यमंत्री उध्दव ठाकरे हे १९ जुलै रोजी पंढरपुरात मुक्कामी येणार आहेत.
मोठा पोलिस बंदोबस्त
मुख्यमंत्र्यांना महापूजेला भाजपसह विविध वारकरी संघटनांनी विरोध केला आहे. या या पार्श्वभूमीवर पंढरपुरात मोठा पोलिस बंदोबस्त ठेवण्यात आला आहे. मंदिर समितीने आषाढीची तयारी सुरू केली आहे. मुख्यमंत्री उध्दव ठाकरे यांच्या हस्ते मंदिरात संत कान्होपात्रा समाधी जवळ तरटीच्या रोपाची लागवड केली जाणार असल्याचे ही गहिनीनाथ महाराज औसेकर यांनी सांगितले. यावेळी मंदिर समितीचे कार्यकारी अधिकारी विठ्ठल जोशी, सदस्य संभाजी शिंदे,ज्ञानेश्वर महाराज जळगाकर आदी उपस्थित होते.
Edited by : Mangesh Mahale
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.