कोरोनाच्या पार्श्वभूमीवर 'या' राज्यात आरोग्य सेवा कर्मचाऱ्यांच्या सुट्या रद्द... 

बिहारमध्ये कोरोना रुग्णांची संख्या दिवसेंदिवस वाढत असून खबरदारीचा उपाय म्हणून सर्व सुट्या रद्द करण्यात आल्याचे स्पष्ट करण्यात आले.
bihar
bihar

बिहार: कोरोनाच्या पार्श्वभूमीवर बिहार सरकारने सर्व डाॅक्टर्स, आरोग्य सेवा पुरवणाऱ्या कर्मचाऱ्यांच्या सुट्या रद्द केल्याचे वृत्त आहे. देशासह बिहारमध्ये कोरोना रुग्णांची संख्या दिवसेंदिवस वाढत असून खबरदारीचा उपाय म्हणून सर्व सुट्या रद्द करण्यात आल्याचे स्पष्ट करण्यात आले. आयसीयू बेड्सची उपलब्धता, व्हेंटिलेटरची उपलब्धता, आदी गोष्टी तयार ठेवल्या जातील. तसेच आरोग्य सुविधा २४ तास खुल्या राहतील, असेही बिहार सरकारकडून सांगण्यात आले.   

दरम्यान, बिहारच्या पार्श्वभूमीवर महाराष्ट्रात देखील डाॅक्टर्स व आरोग्य सेवा पुरवणाऱ्या कर्मचाऱ्यांच्या सुट्या रद्द केल्या जाऊ शकतात, अशी चिन्हे दिसत आहेत. बिहारमध्ये गुरूवारी १०७ जणांना कोरोनाची लागण झाली असून सद्यःस्थितीत ४०६ अॅक्टिव्ह रुग्ण आहेत. तर १५५५ जणांचा मृत्यू झाला आहे. परिणामी ५ एप्रिलपर्यंत सुट्या रद्दचा निर्णय बिहार सरकारच्या आरोग्य विभागाकडून घेण्यात आला.  

दरम्यान, देशात गेल्या २४ तासात ३९ हजार ७२६ जणांना कोरोनाची लागण झाली. इंडिया काउन्सिल आॅफ मेडिकल रिसर्चच्या नोंदीनुसार आतापर्यंत कोरोनाचे तब्बल २३ कोटी १३ लाख ७० हजार सँपल गोळा केले आहेत. त्यापैकी १० लाख ५७ हजार सँपल गुरूवारी गोळा करण्यात आल्याची माहिती देण्यात आली. 

Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुकट्विटरइन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.

Related Stories

No stories found.
Sarkarnama News
sarkarnama.esakal.com