मुंबई : भारतीय जनता पक्षाच्या (BJp) महाराष्ट्र वाहतूक संघटनेचे नेते हाजी आराफत शेख (Haji Arafat Sheikh) यांच्या इनोवा क्रिस्टा गाडीवर हल्ला करुन पक्ष सोडण्याची धमकी देण्यात आली आहे. या हल्यात त्यांच्या गाडीचे नुकसान झाले आहे. (Attack on BJP leader's car in the state)
हाजी आराफत शेख यांची इनोवा क्रिस्टा ही गाडी कुर्ला न्यायालयाजवळील एलबीएस रोड येथील त्यांच्या घराजवळ उभी होती. त्यावेळी गाडीची काच दोन अनोळखी व्यक्तींनी तोडली. यावेळी गाडीमध्ये प्लास्टिक पिशवीत एका पेव्हर ब्लाँक आणि शेख यांच्या नावाने लिहिली धमकीची चिठ्ठी सापडली.
या चिठ्ठीत म्हटले आहे की "तुझे आखरी चेतावणी दे रहा हू, बीजेपी छोड दे, लोगों को गुमराह करना बंद कर, समजायाता तेरे को लेकीन समज नही आ रहा है! अगली बार पथर नही कुछ और होगा. सुधरजा नही तो जान से हाथ धो बैठेगा. परिवारलोकी सोच अगली बार मौका नही दुगां, कांदे लिंबू की बरसात करूंगा ये आखरी चान्स है! बीजेपी छोड...."
या प्रकरणी कुर्ला पोलिस ठाण्यात गुन्हा नोंदवण्यात आला असून पोलिस अधिक तपास करत आहेत. या प्रकरणा विषयी बोलताना शेख म्हणाले की, मला अनेक दिवसापासून धमक्या येत आहेत. भाजप मध्ये आल्या पासून पक्ष सोडण्यासाठी दबाव टाकला जात आहे. काल रात्री दोन अज्ञात व्यक्तींनी गाडी फोडून धमकी दिली. मी काम करत राहणार, मी काम करत असल्यामुळे काही लोकांच्या मनात खदखद वाढली आहे, असेही शेख यांनी सांगितले.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.