आठवले म्हणतात, मुख्यमंत्री उद्धव ठाकरेंची ती भूमिका चुकीची 

प्रश्न विचारणाऱ्यांच्या प्रश्नाला उत्तर द्यायचे असते. हात धुवुन मागे लागायचे नसते.
Athavale says Chief Minister Uddhav Thackeray's that role is wrong
Athavale says Chief Minister Uddhav Thackeray's that role is wrong

मुंबई : "विरोधी पक्षांना हात धुवून मागे लागेल, अशी जाहीर धमकी देणे, ही मुख्यमंत्री उद्धव ठाकरे यांची संविधानिकदृष्ट्या चूक आणि लोकशाहीला मारक भूमिका आहे,' असे मत रिपब्लिकन पक्षाचे राष्ट्रीय अध्यक्ष तथा केंद्रीय सामाजिक न्याय राज्य मंत्री रामदास आठवले यांनी व्यक्त केले. 

महाविकास आघाडी सरकारने वर्षभर केलेल्या कामाच्या आधारावर राज्य सरकारला किती गुण द्यावेत, याचा जनतेला प्रश्न केला, तर जनता महाविकास आघाडी सरकारला नापास सरकार करेल, अशी संभावना करीत 100 पैकी केवळ 30 गुण जनता देईल, असा टोलाही आठवले यांनी राज्य सरकारला लगावला. 

कोरोनाच्या संकटात राज्य सरकारने निर्णय घेण्यात केलेली दिरंगाई; विजबिल माफीवरून जनतेच्या डोळ्यांत केलेली धूळफेक आणि कंगना राणावत, अर्णब गोस्वामी यांच्या प्रकरणात राज्य सरकारची दिसलेली सुडबुद्धी, हे राज्य सरकारला शोभणारे नाही. 

मुख्यमंत्री उद्धव ठाकरे यांनी हात धुवून विरोधकांच्या मागे लागणार, अशी धमकी देणे, हे संविधानिक पदावर असलेल्या जबाबदार व्यक्तीला शोभणारे नाही. लोकशाहीत विरोधकांचा सन्मान करायचा असतो. प्रश्न विचारणाऱ्यांच्या प्रश्नाला उत्तर द्यायचे असते. हात धुवुन मागे लागायचे नसते. विरोधकांच्या मागे हात धुवून लागणार, ही धमकी संविधानिकदृष्ट्या चूक; लोकशाहीला मारक भूमिका आहे, असे मत रामदास आठवले यांनी व्यक्त केले. 

Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुकट्विटरइन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.

Related Stories

No stories found.
Sarkarnama News
sarkarnama.esakal.com