मुंबई : सामाजिक न्यायमंत्री धनंजय मुंडे यांच्यावर आरोप करणाऱ्या महिलेविरोधात भाजपचे कृष्णा हेगडे, मनसेचे मनीष धुरी, जेट एअरवेजच्या एका माजी अधिकाऱ्याने ब्लॅकमेलिंगचे आरोप केले होते. त्यानंतर या प्रकरणाला नवे वळण मिळाले आहे. संबंधित महिलेने ट्विट करत "तुमच्या सर्वांच्या इच्छेप्रमाणे आपण आता माघार घेत आहोत,' असे म्हटले आहे.
Ek kaam kariye aap sab hi Faisal le lijiye ,Bina kuchh Jane agar aap sab our jo mujhe jante hen wo bhi galat arop laga rahe hen to aap sab mil k hi decide kar lo, Mai hi pichhe hat jati hun jaisa aap sab chah rahe ho
— renu sharma (@renusharma018) January 14, 2021
मुंडे यांच्यावर आरोप करणाऱ्या महिलेविरोधात हेगडे यांनी आंबोली पोलिस ठाण्यात तक्रार दिली आहे. त्यानंतर मनीष धुरी, जेट एअरवेजच्या एका माजी अधिकाऱ्यानेही आरोप केला होता. त्यानंतर आज मुंडे यांचे मेहुणे पुरुषोत्तम केंद्रे यांनीही संबंधित महिलेविराधात तक्रार दिली आहे. या सर्व प्रकरणानंतर त्या महिलेने माघार घेत असल्याचे ट्‌विटद्वारे जाहीर केले आहे.
Agar Mai galat hun to itne log ab tak kyu nahi aaye mere liye bolne, Mai pichhe hatungi to bhi mujhe apne aap par garv rahega ki pure Maharashtra men Mai akeli ladki lad rahi thi jabki maine kisi party vishesh ka naam tak nahi liya our ab mujhe girane k liye
— renu sharma (@renusharma018) January 14, 2021
ट्विटमध्ये त्या महिलेने म्हटले आहे की, "एक काम करा. तुम्ही सर्वजण मिळून निर्णय घ्या. जे मला ओळखता, तेही कोणतीही माहिती जाणून न घेता माझ्यावर चुकीचे आरोप करत आहेत. त्यामुळे तुम्ही सर्वजण मिळून निर्णय घ्या. तुम्हा सर्वांच्या इच्छेप्रमाणे मीच आता माघार घेते.''
Our ab mujhe hatane our girane k liye itne logo ko aana pad raha hai, #maiakelivsmaharastra, ab aap sab jo likhna hai likho Baith k, god bless u
— renu sharma (@renusharma018) January 14, 2021
ती ट्विटमध्ये पुढे म्हणते की, "मी जर चुकीची आहे, तर एवढे दिवस हे लोक पुढे का आले नाहीत? मी जरी मागे हटले तरी मला माझ्या स्वतःवर गर्व आहे. कारण मी कोणत्याही पक्षाचे नाव न घेताही मला खाली पहायला लावण्यासाठी आणि मला हटविण्यासाठी एवढ्या सर्वांना एकत्र यावे लागले. त्या सर्वांविरोधात महाराष्ट्रात मी एकटी लढत होती, त्याचा मला अभिमान आहे. आता तुम्हाला जे लिहायचं आहे, ते लिहा.
