मुंबई : बेस्ट समितीच्या अध्यक्षपदासाठी महापालिकेतील विरोधी पक्षनेते रवी राजा मैदानात उतरले आहेत. रवी राजा यांनी गुरुवारी (ता. १) कॉंग्रेसकडून आपला उमेदवारी अर्ज दाखल केला आहे.
महापालिकेच्या सुधार समितीसह बेस्ट समितीच्या अध्यक्षपदासाठी ६ ऑक्टोबर रोजी होणाऱ्या निवडणुकीसाठी आज अर्ज दाखल करण्यात आले. रवी राजा यांनी कॉंग्रेसकडून बेस्ट समितीसाठी अर्ज दाखल केला. तर शिवसेनेकडून प्रवीण शिंदे आणि भाजपकडून प्रकाश गंगाधरे यांनी अर्ज दाखल केले आहेत. सुधार समिती अध्यक्षपदासाठी शिवसेनेकडून सदानंद परब, भाजपकडून विनोद मिश्रा आणि कॉंग्रेसकडून जावेद जुनेजा यांनी अर्ज दाखल केला आहे.
कॉंग्रेसची कोंडी
भाजपने आता अध्यक्षपदासाठी अर्ज दाखल केले असले, तरी ही निवडणूक आवाजी पद्धतीने होते. त्यात भाजपने जर कॉंग्रेसच्या उमेदवाराला मत दिले, तर शिवसेनेवर नामुष्की ओढावू शकते. त्यामुळे शिवसेनेचे टेन्शन वाढले आहे. त्यातच भाजपचे नगरसेवक भालचंद्र शिरसाट यांनी आता इमोशन खेळ खेळण्यास सुरुवात केली आहे. वैधानिक समितीत अध्यक्षपदाची उमेदवारी मागे घेण्याची संभावना आणि हालचाली लक्षात घेता कॉंग्रेस हा खरोखरीचा विरोध पक्ष आहे की शिवसेना पुरस्कृत विरोधी पक्ष आहे? अशी शंका आहे. कॉंग्रेसने वैधानिक समिती अध्यक्षपदाची उमेदवारी मागे घेतल्यास विरोधी पक्षनेतेपदाचा तकलादू दावा उघड होईल. भाजपला सर्वोच्च न्यायालयात न्याय मिळेल, असे सांगत शिरसाट यांनी कॉंग्रेसची कोंडी केली आहे.
पक्ष | बेस्ट समिती | सुधार समिती |
शिवसेना | ८ | १२ |
भाजप | ६ | १० |
काँग्रेस | २ | २ |
राष्ट्रवादी काँग्रेस | १ | १ |
समाजवादी पार्टी | १ | ० |
Edited By - Amit Golwalkar
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.