खडसेंना धक्का;  जावयाचा जामीन फेटाळला

भोसरी जमीन गैरव्यवहारप्रकरणात ईडीकडून ही कारवाई करण्यात आली आहे.
Ekanath Khadse (14).jpg
Ekanath Khadse (14).jpg

जळगाव : पुणे, भोसरी येथील जमीन खरेदी प्रकरणी ईडीने अटक केलेले एकनाथ खडसे (Eknath Khadse) यांचे जावई गिरीश चौधरी (Girish Chaudhri) यांचा जामीन अर्ज काल शुक्रवारी मुंबईच्या विशेष न्यायालयाने फेटाळून लावला आहे.  (court rejects bail application of son in law of Khadse)

भोसरी येथील जमीन खरेदी प्रकरणी माजी मंत्री एकनाथ खडसे यांची ईडी तर्फे चौकशी सुरू आहे. याप्रकरणी त्यांचे जावई गिरीश चौधरी यांना ५ जुलै रोजी ईडीने अटक केली. गिरीश चौधरी यांनी जमीन मिळण्यासाठी दाखल केलेला जमीन अर्ज मुंबई विशेष न्यायालयाने शुक्रवारी फेटाळून लावला.

या अगोदरही चौधरी यांचा अर्ज न्यायालयाने फेटाळला होता. याच प्रकरणात खडसे यांच्या पत्नी मंदाकिनी खडसे यांना ही ईडीने चौकशीला हजर राहण्याची नोटीस बजाव्यात आली आहे, मात्र त्यांनी आजारपण असल्याने वेळ मागून घेतली होती. त्याची मुदतही आता संपली आहे. याआधी खडसे यांचे जावई गिरीश चैाधरी यांना ईडीने (ED) अटक केली होती. त्यांना विशेष न्यायालयाने 12 जुलैपर्यंत कोठडी सुनावण्यात आली होती.

भोसरी जमीन गैरव्यवहारप्रकरणात ईडीकडून ही कारवाई करण्यात आली आहे. त्यांचे जावई व पत्नीचेही या प्रकरणात नाव आहे. यापूर्वीही ईडीने खडसे यांना चौकशीसाठी बोलावले होते. ईडीकडून चौधरी त्यांची कसून चौकशी करण्यात आली होती. त्यानंतर त्यांना अटक करण्यात आली होती, त्यांना विशेष न्यायालयात हजर केल्यानंतर  कोठडी देण्यात आली होती. खडसे यांनी मात्र, जमीन घोटाळ्याचे आरोप फेटाळून लावले आहेत. त्यांच्या म्हणण्यानुसार अजूनही मुळ जमीनमालकच या जमिनीचा मालक आहे. त्याने संपादित केलेल्या जमिनीचा मोबदला आधीपावेतो घेतलेला नाही. तसेच भूसंपादनाची प्रक्रिया रद्द झाल्याने कुणीही जमीन विकत घेऊ शकतो. हे कायदेशीरच आहे.

Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुकट्विटरइन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.

Related Stories

No stories found.
Sarkarnama News
sarkarnama.esakal.com