अजित दादांनी शब्द पाळला; फडणवीसांची बदनामी करणाऱ्याला काही तासात बेड्या 

विधानसभेत हा मुद्दा उपस्थित होताच वाकड पोलिसांनी दाखले विरोधात गुन्हा दाखल करुन त्याला ताब्यात घेतले आहे.
 Ajit Pawar, Devendra Fadnis .jpg
Ajit Pawar, Devendra Fadnis .jpg

पिंपरी :  विधानसभेचे विरोधी पक्षनेते देवेंद्र फडणवीस यांच्याबाबत आक्षेपार्ह व बदनामीकारक मजकूर असलेला व्हिडीओ युट्यूबवर प्रसारित केल्याप्रकरणी युवराज दाखले (रा. तापकीरनगर, काळेवाडी) यांच्यावर वाकड पोलिस ठाण्यात गुन्हा दाखल करण्यात आला आहे. विधानसभेत हा मुद्दा उपस्थित होताच वाकड पोलिसांनी दाखले विरोधात गुन्हा दाखल करुन त्याला ताब्यात घेतले आहे.  

पिंपरी-चिंचवडमधील जगतापनगर, थेरगाव येथे मंगळवारी (ता. २ मार्च) हा प्रकार घडला. या प्रकरणी वाकड पोलिस ठाण्यात गुरुवार (ता. ४ मार्च) गुन्हा दाखल केला होता. या प्रकरणी ३७ वर्षीय महिलेने फिर्याद दिली होती. पोलिसांनी दिलेल्या माहितीनुसार, देवेंद्र फडणवीस यांच्याबाबत आक्षेपार्ह, अश्लील व बदनामीकारक मजकूर असलेले वक्तव्य करुन आरोपीने त्याचा व्हिडीओ युट्यूबवर प्रसारित केला. त्याबाबत आरोपीकडे कोणत्याही प्रकारचा पुरावा नसतानाही सोशल मीडियावर व्हिडीओ प्रसारित केला. 

त्यामुळे फिर्यादी आणि पक्षाचे इतर कार्यकर्ते यांच्यात रोष निर्माण झाला होता. या व्हिडीओ मुळे कार्यकत्यांच्या भावना दुखावल्या गेल्या, असे फिर्यादीत नमूद केले आहे. भारतीय दंड विधान कलम २९४, ५०० नुसार गुन्हा दाखल केला आहे. वाडक पोलिसांनी आरोपी दाखले याला चौकशीसाठी ताब्यात घेतले आहे. 

देवेंद्र फडणवीस यांच्यासंबंधी सोशल मीडियावर आक्षेपार्ह लिखाण केल्याचा मुद्दा  काँग्रेस आमदार व प्रदेशाध्यक्ष नाना पटोले यांनी विधानसभेत उपस्थित केला होता. त्यावरुन भाजपचे आमदार संतप्त झाले होते. त्यानंतर, नाना पटोलेंनी वाचून दाखवलेला उल्लेख कामकाजातून काढून टाकण्यात आला. फडणवीस यांनी या आक्षेपार्ह पोस्टवरुन राज्य सरकाला लक्ष्य केले होते. त्यानंतर उपमुख्यमंत्री अजित पवार यांनी संबंधित व्यक्तीवर कारवाई करण्याचे आश्वासन दिले होते. त्या कार्यकर्त्याला आजच अटक केली जाईल असे पवार म्हणाले होते. 


Edited By - Amol Jaybhaye   
 

Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुकट्विटरइन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.

Related Stories

No stories found.
Sarkarnama News
sarkarnama.esakal.com