भिवंडी : राज्यात शिवसेना-भाजपमध्ये वितुष्ट असले तरी भिवंडी पंचायत समिती मध्ये शिवसेना भाजप यांची अघोषित युती झाली आहे. यामुळे भाजपच्या ललिता पाटील या बिनविरोध सभापती झाल्या आहेत.
पंचायत समितीच्या सभापती पदाची निवडणूक पार पडली. सभापतीपदी भाजपच्या राहनाळ पंचायत समिती गणातील भाजप सदस्या ललिता प्रताप पाटील या बिनविरोध निवडून आल्या आहेत. भिवंडी पंचायत समिती मध्ये एकुण 42 सदस्य आहेत. यामध्ये शिवसेना 20, भाजप 19, काँग्रेस 2 व मनसे 1 असे संख्याबळ आहे.
भाजपच्या सभापती संध्या नाईक यांनी राजीनामा दिल्याने पंचायत समिती सभागृहात तहसीलदार अधिक पाटील यांच्या अध्यक्षतेखाली निवडणूक सभा दुपारी आयोजित करण्यात आली होती.
यावेळी भाजपाचे सदस्या ललिता पाटील यांचा एकमेव उमेदवारी अर्ज दाखल झाल्याने त्यांची बिनविरोध निवड झाल्याची घोषणा तहसीलदार पाटील यांनी केली. शिवसेना-भाजप यांची अघोषित युती झाल्याने पाटील या बिनविरोध निवडूण आल्या.
या निवडी नंतर मावळत्या सभापती संध्या नाईक,उपसभापती सबिया भुरे, जिल्हा परिषद सदस्या सपना भोईर, राहनाळ सरपंच राजेंद्र मढवी, माजी सरपंच राजेंद्र भोईर, प्रताप पाटील, जितेंद्र डाकी यांचासह पदाधिकारी यांनी सभापती ललिता यांचे पुष्पगुच्छ देऊन अभिनंदन केले. यावेळी पक्षाचे कार्यकर्ते व पदाधिकाऱ्यांनी जल्लोष केला. मान्यवरांनी पुष्पगुच्छ देत त्यांचे अभिनंदन केले.
Edited By - Amol Jaybhaye
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.