जनतेने नाकारलेल्या नरेंद्र मोदींविरोधात घराघरात लाट

पंतप्रधान नरेंद्र मोदी आणि गृहमंत्री अमित शहा यांच्यासह केंद्रातील अनेक मंत्री दिवसरात्र पश्चिम बंगालमध्ये प्रचारात गुंतले होते. तरीही ममता बॅनर्जी यांनी एकटीने लढा देऊन त्यांचा प्रचंड पराभव केला.
Bhujbal- Modi
Bhujbal- Modi

नाशिक : पंतप्रधान नरेंद्र मोदी आणि गृहमंत्री अमित शहा यांच्यासह केंद्रातील अनेक मंत्री दिवसरात्र पश्चिम बंगालमध्ये प्रचारात गुंतले होते. तरीही ममता बॅनर्जी यांनी एकटीने लढा देऊन त्यांचा प्रचंड पराभव केला. याचा अर्थ जनतेने भाजपला नाकारले. या पक्षाविरोधात आता घरा घरात लाट आहे, असे प्रतिपादन राज्याचे अन्न व नागरी पुरवठा मंत्री छगन भुजबळ यांनी सांगितले. 

पाच राज्यांतील विधानसभा निवडणुकीच्या पार्श्वभूमीवर ते बोलत होते. ते म्हणाले, भारतीय जनता पक्षाचा पश्चिम बंगालमध्ये दारुण पराभव झाला आहे. केरळमध्ये त्यांना औषधालाही जागा मिळालेल्या नाहीत. तमिळनाडूत त्यांनी आण्णा द्रमुक (एआयडीएमके) पक्षाला पाठींबा दिला होता. तीथे द्रमुकचे स्टॅलीन यांनी एकहाती सत्ता मिळवली आहे. पुद्दुचेरीमध्ये अद्याप चित्र स्पष्ट नाही. फक्त आसाममध्ये त्यांनी आपल्या जागा राखलेल्या आहेत. हे चित्र बोलके आहे. भारतीय जनता पक्षाचा पराभव झाला आहे. 

ते पुढे म्हणाले, पश्चिम बंगालमध्ये पंतप्रधान मोदी व गृहमंत्री अमित शहा जवळ जवळ दिवसआड सभा घेत होते. त्यांचे दहा केंद्रीय मंत्री तीथे ठाण मांडून बसले होते. प्रचंड यंत्रणा व नेत्यांची फौज भाजपचा प्रचार करीत होती. प्रसारमाध्यमे फक्त त्यांच्याच बातम्या देत होत्या. हे चित्र असताना ममता बॅनर्जी या सर्व फौजे विरोधात एकहाती ळडत होत्या. झाशीची राणी जशी मेरी झांसी नही दुंगी अशी घोषणा देऊन त्वेषाने मैदानात उतरली होती, तशा ममता बॅनर्जी लढल्या. जनतेने त्यांना प्रचंड बहुमताने विजयी केले. 

कोरोनाकडे लक्ष दिले पाहिजे होते
पंतप्रधान यांनी देशात कोरोनाचा प्रसार होत असताना केवळ पश्चिम बंगालच्या निवडणुकीवर लक्ष केंद्रीत केले होते. त्यांनी कोरोनावर लक्ष दिले असते तर परिस्थिती हाताबाहेर गेली नसती. त्यामुळे आता घराघरात त्यांच्या विरोधात वातावरण आहे. हे वातावरण प्रचंड प्रमाणात आहे. त्यामुळेच भाजप केरळ, तमिळनाडू यांसह कुठेच दिसत नाही. 
 ...
 

Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुकट्विटरइन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.

Related Stories

No stories found.
Sarkarnama News
sarkarnama.esakal.com