नाशिक : दमणगंगा-एकदरे-गोदावरी या नदीजोड योजनेची कामे लवकरात लवकर सुरू करावीत, (River link water schemes should start immediately) असे निर्देश विधानसभेचे प्रभारी अध्यक्ष नरहरी झिरवाळ व जलसंपदामंत्री जयंत पाटील (Irrigation minster Jayant patil was present in the meeting) यांनी संबंधित अधिकाऱ्यांना दिले. झिरवाळ (Narhari Zirwal) यांच्या उपस्थितीत झालेल्या बैठकीत दमणगंगा-एकदरे-गोदावरी योजनेचा सविस्तर आढावा घेण्यात आला.
झिरवाळ यांनी योजनेसंदर्भात क्षेत्रीय स्तरावरील तांत्रिक बाबींबद्दल काही महत्त्वाच्या उपाययोजना सुचविल्या. ज्यामुळे या प्रकल्पाची किंमत कमी होऊ शकेल, असे त्यांनी सांगितले. त्यासंदर्भात विभागाने प्रशासकीय मान्यता व इतर बाबींकरिता प्रस्ताव त्वरित सादर करण्याच्या सूचना जलसपंदामंत्री जयंत पाटील यांनी दिल्या. या प्रकल्पामुळे दुष्काळी भागातील पाणीप्रश्न काही प्रमाणात सुटून सिंचनात वाढ होईल, असेही जलसंपदामंत्री जयंत पाटील यांनी म्हटले.
याबाबत सविस्तर अहवाल (डीपीआर) राष्ट्रीय जलविकास अभिकरण, नवी दिल्ली यांच्यामार्फत तयार करण्यात येत असून, हे काम प्रगतिपथावर आहे. सप्टेंबरअखेर जलसंपदा विभागास अहवाल सादर होऊ शकेल, अशी माहिती अधीक्षक अभियंता अ. रा. नाईक यांनी दिली.
जलसंपदा विभागाचे सचिव (प्रकल्प समन्वय) ए. एन. मुंडे, नाशिकचे मुख्य अभियंता डॉ. संजय बेलसरे, कार्यकारी अभियंता सचिन पाटील व अधिकारी उपस्थित होते.
...
हेही वाचा...
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.