जामनेरला ऑक्सीजनचा साठा संपल्याने एकाचा मृत्यू

जळगाव : जामनेर येथील उपजिल्हा रुग्णालयातील ऑक्सीजन साठा संपल्याने रुग्णांना तातडीने जळगाव येथील गोदावरी मेडिकल कॉलेज येथे हलविण्यात आले. यात एका रुग्णाचा मृत्यू झाला.

जामनेर येथील ग्रामीण उपजिल्हा रुग्णालयात  कोरोनाचे १८ रुग्णांना  ऑक्सीजन देण्यात येत होता. हा उपचार सुरु असताना ऑक्सिजन संपल्याने रुग्णांना तातडीने जळगाव येथील गोदावरी मेडिकल कॉलेज येथे हलविण्यात आले. यादरम्यान ११ रुग्णांना तातडीने हलविण्यात आले त्या पैकी एका रुग्णाचा  मृत्यू झाला  व सहा रुग्णावर दवाखान्यात उपचार सुरू आहेत
याबाबत माहिती देताना वैद्यकीय अधिकारी डॉ. विनय सोनवणे यांनी सांगितले की, ऑक्सीजन बाबत आम्ही  वरिष्ठांना कळविले असून रुग्णांना तातडीने उपचार मिळावे यासाठी त्यांना गोदावरी मेडिकल कॉलेज येथे हलविण्यात आले.

जळगाव जिल्ह्यात कोरोणाची लागण मोठ्या प्रमाणात आहे. जिल्ह्यात लॉक डाऊन  करण्यात आले आहे परंतु त्याचा फारसा परिणाम दिसून येत नाही.अनेक भागात दुकाने उघडीच असल्याचे दिसून येत असून रस्त्यावर वर्दळही मोठ्या प्रमाणात दिसून येत आहे. त्यामुळे जिल्ह्यातील वाढत्या स्थिती गंभीर बाब निर्माण झाली आहे. जामनेर येथील या घटनेमुळे जनतेत अधिकच चिंतेचे वातावरण निर्माण झाले आहे.
...