चित्रपटसृष्टीतील एक अध्याय संपला आहे. - Dilip kumar`s death means film industry`s One Chapter is over, Mumbai Politics | Politics Marathi News - Sarkarnama

ब्रेकिंग न्यूज

मुख्यमंत्री उद्धव ठाकरे कोल्हापुरात दाखल..पुरग्रस्त भागाची पाहणी
पुणेकरांना खुशखबर : पुणे मेट्रोची शुक्रवारी सकाळी ७ वाजता ट्रायल रन...पालकमंत्री अजित पवार यांच्या उपस्थितीत कोथरुड डेपो ते आयडीयल कॉलनीदरम्यान ट्रायल

चित्रपटसृष्टीतील एक अध्याय संपला आहे.

सरकारनामा ब्युरो
बुधवार, 7 जुलै 2021

भारतीय चित्रपटसृष्टीतील अभिनय सम्राट जेष्ठ अभिनेते दिलीप कुमार यांच्या निधनाने चित्रपटसृष्टीतील एक अध्याय संपला आहे. दिलीप कुमार यांनी अजरामर भूमिका साकारून अनेक दशके चित्रपटरसिकांच्या मनावर अधिराज्य गाजवले, असे राज्याचे अन्न, नागरी पुरवठा व ग्राहक संरक्षण मंत्री छगन भुजबळ यांनी म्हटले आहे.

नाशिक : भारतीय चित्रपटसृष्टीतील अभिनय सम्राट जेष्ठ अभिनेते दिलीप कुमार यांच्या निधनाने चित्रपटसृष्टीतील एक अध्याय संपला आहे. (Dilip kumar`s death is end of one era of Film industry) दिलीप कुमार यांनी अजरामर भूमिका साकारून अनेक दशके चित्रपटरसिकांच्या मनावर अधिराज्य गाजवले, असे राज्याचे अन्न, नागरी पुरवठा व ग्राहक संरक्षण मंत्री छगन भुजबळ (Chhagan Bhujbal) यांनी म्हटले आहे.

श्री. भुजबळ यांनी आज मुंबईतील दिलीप कुमार यांच्या निवासस्थानी जाऊन त्यांना श्रध्दांजली वाहिली. त्यांच्या कुटुंबियांचे सांत्वन केले.

भारतीय चित्रपट सृष्टीतील ज्येष्ठ अभिनेते दिलीप कुमार यांच्या निधनामुळे तीव्र दु:ख झाले असून त्यांच्या निधनाने चित्रपट सृष्टीतील महानायक हरपला असल्याच्या शोकभावना राज्याचे अन्न,नागरी पुरवठा व ग्राहक संरक्षण मंत्री तथा नाशिक जिल्ह्याचे पालकमंत्री छगन भुजबळ यांनी व्यक्त केल्या आहे. 

छगन भुजबळ यांनी शोकसंदेशात म्हटले आहे की, दिलीप कुमार हे भारतीय चित्रपट सृष्टीच्या इतिहासातील एक सोनेरी पान आहे. त्यांच्याशिवाय चित्रपट सृष्टीतील इतिहास पूर्ण होऊ शकत नाही. ट्रॅजडी किंग' म्हणून ओळखल्या जाणाऱ्या दिलीप कुमारांनी सुमारे सहा दशकं त्यांनी आपल्या अभिनयाद्वारे चित्रपटसृष्टीवर अधिराज्य गाजवलं. आपल्या कामामुळे अभिनयाच्या क्षेत्रात त्यांनी नवे आयाम प्रस्थापित केले. सर्वाधिक पुरस्कार जिंकण्यासाठी दिलीप कुमार यांचे नाव गिनीज वर्ल्ड रेकॉर्डमध्ये नोंदवण्यात आले आहे. दिलीप कुमार पद्मभूषण, पद्मविभूषण तसेच दादासाहेब फाळके पुरस्काराने सन्मानित करण्यात आले होते. 

ज्येष्ठ अभिनेते दिलीप कुमार यांच्या निधनाने चित्रपट सृष्टीची अपरिमित अशी हानी झाली असून एक कलागुण संपन्न अभिनेता काळाच्या पडद्याआड गेला आहे. मी व माझे कुटुंबीय त्यांच्या कुटुंबियांच्या दु:खात सहभागी असून ईश्वर मृताच्या आत्म्यास चिरशांती देवो अशी प्रार्थना करतो असे भुजबळ यांनी शोकसंदेशात म्हटले आहे.
...

हेही वाचा...

युसूफ भाईंची (दिलीप कुमार) यांची `ती` इच्छा राहिली अपूर्ण

अधिक राजकीय बातम्यांसाठी सरकारनामा अॅप डाऊनलोड करा
Play Store    App Store

संबंधित लेख