जयंतरावजी...यवतमाळमधील दारुबंदीचे काय झाले : चित्रा वाघांचा खडा सवाल  - Chitra Wagh criticizes the Mahavikas Aghadi government for lifting the ban on alcohol in Chandrapur | Politics Marathi News - Sarkarnama

ब्रेकिंग न्यूज

पंतप्रधान नरेंद्र मोदी शनिवारी सकाळी ८.३० वाजता आषाढी पौर्णिमा- धम्म चक्र दिवशी देशवासियांशी संबोधित करतील . मोदी यांनी ट्विटद्वारे याबाबत माहिती दिली आहे.
चिपळूणमध्ये : पुराचे पाणी अपरांत हाँस्पिटलमध्ये शिरले त्यामुळे वीज पुरवठा बंद झाल्यामुळे व्हेंटिलेटरवरील ८ रुग्ण दगावले.

जयंतरावजी...यवतमाळमधील दारुबंदीचे काय झाले : चित्रा वाघांचा खडा सवाल 

सरकारनामा ब्यूरो
शनिवार, 29 मे 2021

महिलांच्या भावनांशी खेळलात, तर घरी बसून चूल फुंकण्याची वेळ येईल.

मुंबई : चंद्रपूरची दारुबंदी उठवण्याच्या प्रश्नावरून भाजपचे उपाध्यक्ष प्रसाद लाड, चित्रा वाघ आदींनी महाविकास आघाडी सरकारला धारेवर धरले आहे. यवतमाळला दारुबंदी करण्याचे काय झाले, असे जयंत पाटील यांना विचारतानाच महिलांच्या भावनांशी खेळलात, तर घरी बसून चूल फुंकण्याची वेळ येईल, असा टोला वाघ यांनी लगावला. (Chitra Wagh criticizes the Mahavikas Aghadi government for lifting the ban on alcohol in Chandrapur)

राज्यात देवेंद्र फडणवीस यांची सत्ता असताना जयंत पाटील यांनी विधानसभेत बोलताना आमचे सरकार आले तर यवतमाळमध्ये दारुबंदी करण्याचे आश्वासन दिले होते. त्याची आठवण त्यांना करून देताना क्या हुवा तेरा वादा....जयंतरावजी, असे श्रीमती वाघ यांनी विचारले आहे. आमचे सरकार आल्यावर पहिल्या मंत्रीमंडळ बैठकीत यवतमाळला दारूबंदी करणार, असे आश्वासन विधानसभेत देणारा पाटील यांच्या भाषणाचा व्हिडियोदेखील त्यांनी समाज माध्यमांवर प्रसिद्ध केला आहे.

हेही वाचा : वाझे, देशमुख गेले; आता अनिल परब आणि जितेंद्र आव्हाडांचा नंबर

यवतमाळ राहिले दूर, उलट चंद्रपुरचीच दारूबंदी उठवली तुमच्या सरकारने. महिलांना कमी समजू नका, अजूनही आमच्या भावनांशी असचं खेळत राहिलात, तर तुम्हाला घरी बसून चुल फुंकायची वेळ येईल, असा इशाराही चित्रा वाघ यांनी दिला आहे. 

मुंबईत शंभर कोटींचे हप्ते मिळणे बंद झाले म्हणून चंद्रपुरात दारुबंदी उठवली का, असा बोचरा प्रश्न विधानपरिषद आमदार प्रसाद लाड यांनी विचारला आहे. लाड यांनी या प्रश्नावर समाज माध्यमांवर व्हिडियो प्रसारित करून या प्रश्नावर महाविकास आघाडी सरकारवर टीका केली आहे.

सरकारने चंद्रपूर जिल्ह्यातील दारुबंदी उठवण्याचा घेतलेला निर्णय दुर्दैवी आहे. महिलांना या सरकारकडून यापेक्षा वेगळी अपेक्षाच नाही. अवैध दारुविक्री रोखण्यासाठी दारुबंदी उठवणे, यात कसला शहाणपणा आहे. हा हप्तेखोरीचा नवा पायंडा आहे का, अशी टीकाही लाड यांनी केली आहे. मुंबईत देशमुखांचे दुकान बंद झाले आणि वडेट्टीवारांनी चंद्रपुरात नवे दुकान सुरु केले, हा लज्जास्पद प्रकार आहे. व्यसनांविरुद्ध लढा देणाऱ्या आर. आर. आबांचा तरी विचार करायचात, बेवड्यांचे सरकार या कुकीर्तीपासून अजूनही बचाव करा, असा टोलाही लाड यांनी लगावला आहे.

अधिक राजकीय बातम्यांसाठी सरकारनामा अॅप डाऊनलोड करा
Play Store    App Store

संबंधित लेख