मुंबई : राज्यभरात कोरोना संसर्गात वाढ होत असताना मुंबई उच्च न्यायालयानेदेखील याची गंभीर दखल घेतली आहे. न्यायालय परिसरात उपस्थित पक्षकार, वकील तसेच सर्वांनी सोशल डिस्टन्सिंगचे चोख पालन केले नाही, तर पूर्णवेळ ऑनलाईन सुनावणी सुरू करण्यात येईल, असा इशारा न्यायमूर्तींनी दिला आहे.
न्यायमूर्ती गौतम पटेल यांनी बुधवारी (ता. १७) जारी केलेले सूचनापत्र उच्च न्यायालयाच्या संकेतस्थळावर प्रसिद्ध झाले आहे. कोविडबाबत सरकारने जारी केलेल्या सुरक्षा तत्त्वांचे पालन होत नसल्याबद्दल न्यायमूर्ती पटेल यांनी तीव्र नाराजी व्यक्त केली आहे. सर्व उपस्थित पक्षकारांनी या सुरक्षा तत्त्वांचे काटेकोर पालन करायला हवे, न्यायालयात ज्यांची सुनावणी असेल त्यांनीच प्रवेश करावा आणि सर्व नियम पाळावेत, असे आदेश सूचनापत्रात दिले आहेत. या सुरक्षातत्त्वांचे पालन होताना दिसत नसेल तर तात्काळ प्रत्यक्ष सुनावणी बंद करून ऑनलाईन सुनावणी पूर्ण वेळ सुरू करण्यात येईल, असा इशारा न्यायमूर्ती गौतम पटेल यांनी दिला आहे.
नियमावली जाहीर
गेल्या वर्षी एप्रिलपासून डिसेंबरपर्यंत पूर्णवेळ ऑनलाईन सुनावणी सुरू होती. त्यानंतर टप्प्याटप्प्याने प्रत्यक्ष कामकाज सुरू करण्यात आले. यासाठी नियमावली जाहीर केली असून मास्क वापरणे बंधनकारक आहे. सध्या शुक्रवारीच ऑनलाईन सुनावणी होत असते. तसेच पक्षकारांनी विनंती केल्यास ऑनलाईनचा पर्याय दिला जातो.
Edited By - Amit Golwalkar
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.