राज्यभरात आज वैद्यकीय सेवा बंद; सव्वालाख डॉक्‍टर सहभागी - Medical Services in Maharashtra to remain closed today | Politics Marathi News - Sarkarnama

ब्रेकिंग न्यूज

मुंबईतील शेतकरी मोर्चा मेट्रो सिनेमाजवळ अडवला.... राजभवनवर जाण्यासाठी केवळ 20 जणांच्या शिष्टमंडळाला मंजूरी
मुंबईतील शेतकरी मोर्चा मेट्रो सिनेमाजवळ अडवला.... राजभवनवर जाण्यासाठी केवळ 20 जणांच्या शिष्टमंडळाला मंजूरी
सरपंचपदाचे आरक्षण नव्यानेच होणार आणि प्रशासकांच्या कारभाराची चौकशीही होणार

राज्यभरात आज वैद्यकीय सेवा बंद; सव्वालाख डॉक्‍टर सहभागी

सरकारनामा ब्युरो
शुक्रवार, 11 डिसेंबर 2020

सेंट्रल काऊन्सिल ऑफ इंडियन मेडिसीनकडून (सीसीआयएम) राजपत्रित अधिसूचना प्रकाशित केली असून, याला इंडियन मेडिकल असोसिएशनने विरोध केला आहे. याविरोधात आज (ता. ११) राज्यातील वैद्यकीय सेवा बंद राहणार आहे

मुंबई  : सेंट्रल काऊन्सिल ऑफ इंडियन मेडिसीनकडून (सीसीआयएम) राजपत्रित अधिसूचना प्रकाशित केली असून, याला इंडियन मेडिकल असोसिएशनने विरोध केला आहे. याविरोधात आज (ता. ११) राज्यातील वैद्यकीय सेवा बंद राहणार आहे. या बंदमध्ये राज्यभरातील सव्वालाख डॉक्‍टर सहभागी होणार आहेत. उद्या रुग्णालयातील अत्यावश्‍यक सेवा व अत्यावश्‍यक शस्त्रक्रिया सुरू राहणार आहेत; मात्र इतर प्राथमिक सेवा बंद राहणार असल्याचे इंडियन मेडिकल असोसिएशनकडून सांगण्यात आले.

संध्याकाळी ६ वाजेपर्यंत आरोग्य सेवा बंद असणार आहे. यात दवाखाने, ओपीडी, क्‍लिनिक अशा प्राथमिक सेवा बंद राहतील, तर अत्यावश्‍यक सेवा सुरू राहणार आहेत. बंदमुळे रुग्ण व रुग्णांचे नातेवाईक यांची कोणतीही गैरसोय होणार नसल्याचे इंडियन मेडिकल असोसिएशनचे अध्यक्ष डॉ. अविनाश भोंडवे यांनी सांगितले. कोव्हिड सेवा वगळता बंद राहतील. आपत्कालीन सेवा, अपघात, प्रसूतिगृहे, आपत्कालीन शस्त्रक्रिया या सेवा सुरू राहणार आहेत.

काय आहे अधिसूचनेत?
अधिसूचनेत सीसीआयएमने ५८ शस्त्रक्रियांना शल्यतंत्र आणि शालाक्‍य तंत्र सांगून पदव्युत्तर शिक्षणात समाविष्ट केले आहे. यात जनरल सर्जरी, युरॉलॉजी, सर्जिकल गॅस्ट्रोएन्टरॉलॉजी, ईएनटी, ऑफ्थाल्मोलॉजी, डेंटिस्ट्री यांचा समावेश आहे. त्यामुळे सरकारी व खासगी रुग्णालयात कार्यरत पदव्युत्तर विद्यार्थ्यांना समाविष्ट करणाऱ्या डॉक्‍टरांची ज्युनिअर डॉक्‍टर्स नेटवर्कही आंदोलन करणार आहे. आंदोलनास मार्ड संघटनेनेही पाठिंबा दिला आहे.
Edited By - Amit Golwalkar

अधिक राजकीय बातम्यांसाठी सरकारनामा अॅप डाऊनलोड करा
Play Store    App Store

संबंधित लेख