वाझे, देशमुख गेले; आता अनिल परब आणि जितेंद्र आव्हाडांचा नंबर

हे महाविकास आघाडीचे सरकार पाच वर्ष टिकावं.
Waze, Deshmukh gone; Now Anil Parab and Jitendra Awhad's number : Kirit Somaiya
Waze, Deshmukh gone; Now Anil Parab and Jitendra Awhad's number : Kirit Somaiya

सोलापूर :  सचिन वाझे याच्यासोबत पाच ऑफिसर निलंबित झाले आहेत. माजी गृहमंत्री अनिल देशमुख यांना जेलमध्ये जाण्याची पाळी आली आहे, तर मुंबईचे माजी पोलिस आयुक्त परमवीर सिंह घरी गेले आहे. आता पुढचा नंबर गृहमंत्री अनिल परब यांचा लागला आहे आणि त्यानंतर जितेंद्र आव्हाडांचा नंबर आहे, असा खळबळजनक दावा दावा भारतीय जनता पक्षाचे नेते किरीट सोमय्यांनी सोलापुरात केला आहे. (Waze, Deshmukh gone; Now Anil Parab and Jitendra Awhad's number : Kirit Somaiya)

माजी खासदार किरीट सोमय्या हे आज सोलापूरच्या दौऱ्यावर होते. त्या वेळी त्यांनी वरील दावा केला. ते म्हणाले की, मुख्यमंत्री उद्धव ठाकरे सरकारच्या कोविड करप्शनला भारतीय जनता पक्ष विरोध करत आहे. हे महाविकास आघाडीचे सरकार पाच वर्ष टिकावं. मात्र, जनतेच्या जीवाशी खेळ करणाऱ्या सरकारचे अर्धा डझन मंत्री आणि अर्धा डझन नेत्यांचा भ्रष्टाचार बाहेर काढण्याचं काम भारतीय जनता पक्षाच्या वतीने मी करणारं आहे, असंही किरीट सोमय्या या वेळी म्हणाले. 

दरम्यान, शिवसेना नेते, आमदार प्रताप सरनाईक हे फरारी आहेत. संजय राऊत यांना तोडीचे 55 लाख रुपये परत द्यावे लागले आहेत. मुंबईच्या महापौर किशोरी पेडणेकर यांनी एसआरएचे गाळे ढापले आहेत, हे हायकोर्टात सिद्ध झालं आहे. माजी गृहमंत्री अनिल देशमुख यांना जेलमध्ये जाण्याची वेळ आली आहे. आता परिवहन मंत्री अनिल परब आणि गृहनिर्माण मंत्री जितेंद्र आव्हाड हे लाईनीत आहेत. त्यामुळं ‘आगे आगे देखो होता हैं क्या’ असं म्हणत किरीट सोमय्या यांनी शिवसेना नेत्यांसह आता राष्ट्रवादीच्या जितेंद्र आव्हाडांनाही डिवचलं आहे.

त्याचबरोबर महाविकास आघाडी सरकारने सत्तेचा एवढा घमंड करू नये. जालन्यात भारतीय जनता पक्षाच्या युवा कार्यकर्त्यांस पाच पोलिसांकडून जी मारहाण झाली आहे, ती अत्यंत निंदनीय आहे. त्या प्रकरणातील चार पोलिस निलंबित झाले आहेत. त्याचबरोबर या प्रकरणातील दोन वरिष्ठ अधिकाऱ्यांची तत्काळ हकालपट्टी व्हायला हवी, अशी भाजपची मागणी आहे, असेही किरीट सोमय्या यांनी सांगितले. 

Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुकट्विटरइन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.

Related Stories

No stories found.
Sarkarnama News
sarkarnama.esakal.com