मुंबई : आता नवीन नाटक. अपयश आणि अपराध लपवण्याचा अजून एक प्रकार. आज मातोश्री मध्ये राहणाऱ्या एका ही व्यक्ती वर एकही केस नाही आणि ना ह्यांची दाऊदच्या विरोधात मोहीम, मग धमकी का येईल? मग सांगणार अंगावर आले, आम्ही उडवून दिले. पण खरं कोणही आलेलाच नसतो. उलट दाऊद म्हणत असेल हाच मुख्यमंत्री पाहिजे,'' असे म्हणत माजी खासदार निलेश राणे यांनी मुख्यमंत्री उद्धव ठाकरे यांच्यावर टीकास्र सोडले आहे.
दाऊद कडून उद्धव ठाकरेंना धमकीचा फोन...मंत्र्यांचे फोन उचलत नाहीअन दाऊदचा लगेच उचलला?, असे म्हणत निलेश यांनी ट्वीटद्वारे मुख्यमंत्री उद्धव ठाकरे यांची खिल्ली उडवली आहे. त्यांचे बंधू आमदार नितेश राणे यांनीही ट्वीट करुन मुख्यमंत्र्यांला छेडले आहे. ''शेवटी..महाराष्ट्र च्या जनतेची मनातली इच्छा पूर्ण करण्यासाठी थेट दुबई वरून फोन आला.. डायरेक्ट दाऊद ची धमकी आली..आता तरी घरातून बाहेर निघा..मुख्यमंत्री साहेब!!'' असे ट्वीट नितेश यांनी केले आहे.
मुख्यमंत्री उद्धव ठाकरे यांच्या मातोश्री निवासस्थानी धमकीचे कॉल आल्याची धक्कादायक बाब समोर आली आहे. हे कॉल दुबईतून आल्याचे समोर आले असून, हे कॉल अंडरवर्ल्ड डॉन दाऊद इब्राहिम याच्या हस्तकाने केल्याचे समजते. यामुळे सुरक्षा यंत्रणा दक्ष झाल्या असून, मातोश्री परिसरात सुरक्षा व्यवस्थेत वाढ करण्यात आली आहे. याचबरोबर या कॉलची शहानिशाही करण्यात येत आहे. याच बातमीवरुन निलेश व नितेश राणे यांनी मुख्यमंत्रांना उद्देशून ट्वीट केली आहेत.
Edited By - Amit Golwalkar
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.