मुंबई : चिराग पासवान यांच्या खांद्यावर बंदूक ठेवून नितिशकुमार यांचा राजकीय गेम अमित शहा करत आहेत अशी जोरदार टीका राष्ट्रवादी काँग्रेसचे प्रदेश प्रवक्ते महेश तपासे यांनी केली आहे.
बिहारच्या निवडणुकीत लोकजनशक्ती हा पक्ष जनता दल युनायटेड यांच्यापासून विभक्त होवून केंद्रातील आघाडी भाजपसोबत आहे असं त्यांनी जाहीर केले आहे. याचा अर्थ स्पष्ट आहे की, चिराग पासवान यांच्या खांद्यावर बंदूक ठेवून नितिशकुमार यांना अडचणीत आणून सत्तेतून बेदखल करण्याचे नियोजन भाजपने केलेले आहे असा दावा महेश तपासे यांनी केला आहे. बिहारच्या निवडणुकीच्या समीकरणात नितीशकुमार हे कुठेच नसतील आणि त्यांचे खच्चीकरण करण्याची जबाबदारी बिहारचे प्रभारी देवेंद्र फडणवीस यांच्यावर असल्याचेही महेश तपासे यांनी सांगितले.
भाजप गुप्तपणे चिराग पासवान यांच्या उमेदवारांना मदत करेल आणि जनता दल युनायटेडचे उमेदवार पाडण्यासाठी छुप्या पद्धतीने काम करेल जेणेकरून बिहारचे समीकरण बदलेल अशा प्रकारची रणनीती भाजप आखण्याची शक्यता नाकारता येत नाही असेही महेश तपासे म्हणाले.
Edited By - Amit Golwalkar
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.