पेणचा पुढचा आमदार शिवसेनेचा असेल - The next MLA of Pen will be from Shiv Sena : Dalvi-vd83 | Politics Marathi News - Sarkarnama

ब्रेकिंग न्यूज

भाजपचे किरीट सोमय्या अखेर महालक्ष्मी एक्स्प्रेसने कोल्हापूरला रवाना
चरणजीत चन्नी होणार पंजाबचे नवे मुख्यमंत्री राज्याचे प्रभारी हरीश रावत यांची घोषणा
गणेशोत्सव विसर्जनामुळे पुण्यात मध्यवर्ती भागातील रस्ते वाहतुकीसाठी बंद
अंबिका सोनी यांनी पंजाबचे मुख्यमंत्रीपद नाकारले
पुरग्रस्तांसाठी सरकारची महत्वाची घोषणा ; नव्या निकषानुसार मदत

पेणचा पुढचा आमदार शिवसेनेचा असेल

सरकारनामा ब्यूरो
सोमवार, 26 जुलै 2021

संजय जांभळे यांच्या प्रवेशाने येथील शिवसेना मजबूत होणार आहे.

वडखळ (जि. रायगड)  ः रायगडमध्ये शिवसेनेचे तीन आमदार असून जिल्ह्यात शिवसेनेची ताकद वाढत आहे. आगामी निवडणुकीत रायगड जिल्हा परिषदेवर शिवसेनेचा भगवा फडकणार, असा विश्वास शिवसेनेचे रायगड जिल्हाप्रमुख तथा आमदार महेंद दळवी यांनी वडखळ येथे शिवसैनिकांच्या बैठकीत व्यक्त केला. (The next MLA of Pen will be from Shiv Sena : MLA Mahendra Dalvi)

वडखळ येथे पेण तालुक्यातील शिवसेनेचे पदाधिकारी, शिवसैनिकांची बैठक आयोजित केली होती. त्या बैठकीत आमदार महेंद्र दळवी यांनी वरील विश्वास व्यक्त केला. या वेळी शिवसेनेचे उपजिल्हा प्रमुख नरेश गांवड, जिल्हा परिषदेचे माजी सभापती संजय जांभळे, पेण शहर प्रमुख सुधाकर म्हात्रे, विभाग प्रमुख लवेंद्र मोकल, संतोष पाटील आदींसह पदाधिकारी, शिवसैनिक मोठ्या संख्येने उपस्थित होते. या वेळी बोरावाडी येथील ग्रामस्थांनी शिवसेनेत प्रवेश केला. 

हेही वाचा : वाढदिवसाच्या फ्लेक्सवरून भाजप नेते गायब....त्यात पंकजा मुंडेंचा काय दोष..?

पेण तालुका शिवसेनेचा गड आहे. पेणची राजकीय परस्थिती बदलली पाहिजे. पेण नगरपालिका व पाली नगरपंचायतीची निवडणूक महत्वाची आहे, या निवडणुकांमध्ये युवकांना संधी दिली पाहिजे. रायगड जिल्ह्यातील अनेक नेते, कार्यकर्ते शिवसेनेत प्रवेश करणार आहेत. संजय जांभळे यांच्या प्रवेशाने येथील शिवसेना मजबूत होणार आहे. त्यामुळे यापुढे पेणचा आमदार शिवसेनेचा असेल, असा दवाही आमदार महेंद्र दळवी यांनी या वेळी बोलताना केला.

गाव तिथे शिवसेनेची शाखा, घर तिथे शिवसैनिक ही संकल्पना राबवून येथील शिवसेना मजबूत करणार आहे. पेणचा आमदार शिवसेनेचा असेल असे संजय जांभवे यांनी या वेळी सांगितले. 

संजय जांभळे यांचा शिवसेनेत प्रवेश झालेला आहे. त्यांच्या प्रवेशाने शिवसेनेत नवचैतन्य निर्माण झाले आहे. आगामी निवडणुकीत जिल्हा परिषदेवर शिवसेनेची सत्ता यायला पाहिजे, त्यासाठी प्रयत्न करूया, असेही नरेश गांवड यांनी या वेळी सांगितले.

अधिक राजकीय बातम्यांसाठी सरकारनामा अॅप डाऊनलोड करा
Play Store    App Store

संबंधित लेख