पुणे: "राष्ट्रवादी युवती काँग्रेसच्या राज्यातील काही जिल्हा आणि शहरांच्या पदाधिकाऱ्यांच्या निवडी प्रदेशाध्यक्षा सक्षणा सलगर यांनी जाहीर केल्या. आगामी काळात प्रत्येक शहरात युवती पदाधिकाऱ्यांची निवड करण्यात येईल, असे त्यांनी सांगितले.
नूतन पदाधिकारी पुढीलप्रमाणे:
"खासदार सुप्रिया सुळे यांच्या प्रेरणेने युवती काँग्रेसची स्थापना झाली. युवती काँग्रेसची स्थापना झाल्यामुळे राजकारणात येणाऱ्या युवतींची संख्या वाढत आहे. राज्यात युवतीसाठी असलेले हे एकमेव व्यासपीठ आहे. ग्रामीण आणि शहरी भागातील सामान्य कुटुंबातील युवतींना संधी देणार हे व्यासपीठ आहे,"असे सक्षणा सलगर म्हणाल्या.
शांताबाईंना राष्ट्रवादीकडून लाखाची मदत
पुणे: परिस्थितीमुळे वयाच्या ८५ व्या वर्षीही रस्त्यावर कसरती करून कुटुंबाचा उदरनिर्वाह चालविणाऱ्या शांताबाई पवार यांना राष्ट्रवादी कॉँग्रेसच्यावतीने गृहमंत्री अनिल देशमुख यांनी एक लाख रुपयांची मदत सुपूर्द केली.
ज्येष्ठ नागरिकांच्या प्रश्नांबाबत महाविकास आघाडी सरकार संवेदनशिल आहे. त्यांना सर्व प्रकारची मदत करण्यात येईल, असा विश्वास गृहमंत्र्यांनी या वेळी व्यक्त केला. पुण्यातील हडपसर परिसरातील शांताबाई पवार या कसरतीचे खेळ दाखवून आपल्या कुटुंबाचे पोट भरत असल्याचा व्हिडीओ व्हायरल झाल होता. गृहमंत्री अनिल देशमुख यांना हे समजले. शनिवारी पुण्याच्या दौऱ्यावर आले असताना त्यांनी आवर्जून शांताबाईंची त्यांच्या निवासस्थानी भेट घेतली. राष्ट्रवादी कॉँग्रेसच्या वतीने त्यांना एक लाख रुपये, साडीचोळी आणि इतर मदत करण्यात आली. या वेळी आमदार चेतन तुपे, राष्ट्रवादी कॉँग्रेस प्रदेश समिती सदस्य प्रदीप देशमुख, नगरसेवक आनंद अलकुंटे आदी मापस्थित होते. देशमुख म्हणाले, पुणे पोलीस आयुक्तालयाच्या भरोसा सेल मार्फत १५ हजारांहून अधिक ज्येष्ठ नागरिकांना मदत केली आहे.
Edited by swarup jankar
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.