पुणे : टीकटाॅक स्टार पूजा राठोड मृत्यू प्रकरणात शिवसेनेचे संजय राठोड यांनी मंत्रीपदाचा राजीनामा दिला आहे. दुसरीकडे विरोधी पक्ष सामाजिक न्यायमंत्री धनंजय मुंडे यांच्यावर कारवाईची मागणी करत आहेत. मुंडे यांच्या भगिनी माजी मंत्री पंकजा मुंडे यांनी संजय राठोड यांच्या राजीनाम्यावर ट्वीट करताना धनंजय मुंडे यांच्यावर अप्रत्यक्ष निशाणा साधला आहे.
''एका मंत्र्याच्या राजीनाम्याची एक निर्णयाची पायरी उशिराने का होईना ओलांडली आता निष्पक्षपातीपणे चौकशी चा डोंगर सरकारला ओलांडायचा आहे.. सरकारच्या इतिहासात महिलांच्या बद्दल एवढा दुजाभाव आणि सामाजिक व्यवस्थेची इतकी दुरवस्था आपल्या महाराष्ट्राला शोभणारी नाही,''असे म्हणत पंकजा यांनी सरकारवर निशाणा साधला आहे.
संजय राठोडांबाबत उद्धव ठाकरेंनी जे केलं ते आता राष्ट्रवादी काँग्रेसचे अध्यक्ष शरद पवार यांनी केलं पाहिजे. पवार यांनी धनंजय मुंडे यांचा राजीनामा घ्यायला हवा होता, असं विधान काल राठोड यांच्या राजीनाम्यावर प्रतिक्रिया देताना भाजपचे प्रदेशाध्यक्ष चंद्रकांत पाटील यांनी केलं होतं. त्याचा दाखला देत पंकजा यांनी ट्वीट केलं आहे.
पूजा चव्हाण मृत्यूप्रकरणात आरोप झाल्यानंतर वनमंत्री संजय राठोड यांचा राजीनामा घेण्यात आला. मग, सामाजिक न्यायमंत्री धनंजय मुंडेंबाबत वेगळी भूमिका का? असा प्रश्न काल मुख्यमंत्री उद्धव ठाकरे यांना विचारण्यात आला होता. त्यावर धनंजय मुंडे यांच्याबाबत करण्यात आलेली तक्रार मागे घेण्यात आलेली आहे. त्यामुळे त्यांचा राजीनामा घेण्याचा प्रश्नच नाही, असं उत्तर ठाकरे यांनी दिलं होतं.
Edited By - Amit Golwalkar
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.