उजनीच्या निर्णयाचे आभार मानत धवलसिंह मोहिते पाटलांनी सरकारकडे केली ही मागणी 

सोलापूर जिल्ह्यावरील अन्याय दूर करावा.
Dhawalsinh Mohite-Patil's demand to complete incomplete irrigation works in Solapur district
Dhawalsinh Mohite-Patil's demand to complete incomplete irrigation works in Solapur district

नातेपुते (जि. सोलापूर) :  इंदापूर तालुक्‍यातील 22 गावांना उजनी धरणातून पाच टीएमसी पाणी देण्याच्या सर्वेक्षणाचा निर्णय रद्द केल्याबद्दल आभार. पण, सोलापूर जिल्ह्यातील अपूर्ण सिंचन प्रकल्पाची कामे तातडीने मार्गी लावण्याचे आवाहन महाविकास आघाडी सरकारमधील सर्व नेत्यांना कॉंग्रेसचे नेते डॉ. धवलसिंह मोहीते-पाटील यांनी केले आहे. (Dhawalsinh Mohite-Patil's demand to complete incomplete irrigation works in Solapur district)

जलसंपदा विभागाने उजनी जलाशयाच्या उर्ध्व बाजूस बिगर सिंचन पाणी वापरातून उपलब्ध होणारे सांडपाणी उजनी जलाशयातून शेटफळगढे येथील मुठा उजव्या कालव्यात उचलून किलोमीटर 161 येथे खडकवासला स्थिरीकरण सिंचन प्रकल्पाच्या नावाखाली इंदापूर तालुक्‍याला पाच टीएमसी पाणी उचलण्यास राज्य सरकारने परवानगी दिली होती. त्या निर्णयाचे यापूर्वी 22 एप्रिल 2021 रोजी निर्गमीत केलेले शासकीय आदेश रद्द करण्यात आले आहेत. 

याबरोबरच उजनी जलाशय प्रकल्प सोलापूर जिल्ह्यासाठी असणारा हा प्रकल्प असूनही या उजनीवर अवलंबून असणार्या बार्शी उपसा सिंचन योजना 2.59 टीएमसी, सिना माढा उपसा सिंचन योजना 4.50 टीएमसी, दहिगाव उपसा सिंचन योजना 1.81 टीएमसी, भिमा-सिना जोड कलवा 3.15 टीएमसी, सांगोला उपसा सिंचन योजना दोन टीएमसी, एकरूख उपसा सिंचन योजना 3.16 टीएमसी, आष्टी उपसा सिंचन योजना एक टीएमसी, मंगळवेढा 35 गावांसाठी सहा टीएमसी, मंगळवेढा तालुका व दक्षिण सोलापूरच्या 22 गावाच्या पिण्याच्या पाणीयोजना, गेली अनेक वर्षापासून अजून पूर्ण झालेल्या नाहीत. 

या अर्थवट सिंचन योजना मार्गी लावण्यासाठी सरकारमधील सर्व नेत्यांनी एकत्रित येऊन युद्धस्तरावर कार्यवाही करावी. सोलापूर शहर व जिल्ह्यातील गावांच्या पिण्याच्या पाण्याचा व शेती सिंचनाचा प्रश्न तातडीने मार्गी लावून सोलापूर जिल्ह्यावरील अन्याय दूर करावा, असे आवाहन कॉंग्रेस नेते डॉ. मोहिते-पाटील यांनी केले आहे. 

डॉ. धवलसिंह मोहिते-पाटील यांनी या बाबतचे निवेदन मुख्यमंत्री उद्धव ठाकरे, उपमुख्यमंत्री अजित पवार, महसूल मंत्री बाळासाहेब थोरात, कॉंग्रेसचे प्रदेशाध्यक्ष नाना पटोले, जलसंपदा मंत्री जयंत पाटील, पालकमंत्री दत्तात्रेय भरणे यांना ई मेलद्वारे केले आहे.

Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुकट्विटरइन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.

Related Stories

No stories found.
Sarkarnama News
sarkarnama.esakal.com