सोलापूर : शेतकरी कामगार पक्षाचे ज्येष्ठ नेते आणि माजी आमदार गणपतराव देशमुख (Ganapatrao Deshmukh) यांच्या प्रकृती बद्दल मंगळवारी विविध अफवा पसरल्या होत्या. मात्र, त्यांची प्रकृती स्थिर असल्याची माहिती पक्षाचे ज्येष्ठ नेते आणि आमदार जयंत पाटील (Jayant Patil) यांनी दिली आहे. (Jayant Patil said, Ganapatrao Deshmukh's health is stable; Don't spread rumors)
पाटील यांनी सोलापुरातील अश्विनी हॉस्पिटलमध्ये गणपतराव देशमुख यांनी भेट घेऊन, प्रकृतीची माहिती घेतली. त्यानंतर त्यांनी प्रसारमाध्यमांशी बोलताना सांगितले की ''त्यांची प्रकृती स्थिर असून जे कार्यकर्ते सांगोल्याकडे येत होते. त्यांनी माघारी फिरावे असे आवाहनही पाटील यांनी केले आहे. त्यांच्या प्रकृतीमध्ये चांगली सुधारणा होत असल्याचे पाटील यांनी सांगितले.
ज्यांनी मंगळवारी चुकीची माहिती दिली त्यांनाही माझी विनंती की संपूर्ण माहिती घेल्याशिवाय काहीही अफवा पसरवू नयेत. जो पर्यंत पक्षाच्या मध्यवर्ती काऱ्यालयाकडून अधिकृत माहिती मिळत नाही. तो पर्यंत त्या माहितीवर विश्वास ठेउ नये. असेही पाटील यांनी सांगितले.
त्याच बरोबत देशमुख यांचे चिरंजीव चंद्रकांत देशमुख म्हणाले, आबांच्या प्रकृतीबद्दल समाजमाध्यमांमध्ये अफवा पसरवल्या गेल्या होत्या. मात्र, आबांची प्रकृती सध्या स्थिर असून चुकीच्या माहितीवर विश्वास ठेऊ नका, असे त्यांनी सांगितले.
Edited By - Amol Jaybhaye
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.